Jobakʼ 15:16 - সান্তালী বাইবেল

¹⁶ enḍekhan manwa, okoe do bạṛicʼ are kharapge ar ghạṭko dakʼ lekae ńũiyetʼ, uni do khạṭi bae hoedaṛeakʼa.

Jobakʼ 15:16 Referans Kwoze

Kạhtukko 19:28

Bạṛicʼ gohayicʼ do hok reakʼ bicạr iạteye landa dhutʼeda; ar bạṛicʼko do behokre unum akanko tahena.

Jobakʼ 34:7

Job leka cetʼ jãhãe menaea okoe do dakʼ ńu bikʼ leka ṭiṭkạriye ńamakatʼ?

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Sereńko 53:3

Uni doe ńelkeda sanamkoge sạri hor khonko ocokʼ akana, ar jotoge mitʼ domteko bạṛicʼ akana; bhageakʼ kạmi lạgitʼ do okoe hõ bạnukʼkoa.

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Jobakʼ 20:12

“Bạṛicʼakʼ uniyakʼ mocare heṛemge ạikạulenre hõ ar alaṅ latarre onae oko dohokakʼre hõ,

Jobakʼ 4:19

tobe okoe hasa oṛakʼreko tahenkan onkoakʼ rehetʼtetʼ do dhuṛi kana, tejoko leka okoeko lebetʼ gańjao ocokʼkan, onko do Isorakʼ mẽtʼãhãre artetʼge dusiko hoyokʼa!

Jobakʼ 15:17

“Ińakʼ katha ańjomme, amiń bujhạuam kana; iń okań ńelakatʼ onageń lạiyam kana.