10 Ale talare nonkan mitʼ hoṛ menaea okoe do haṛam are pạnḍuge; uniyakʼ umer do am babawakʼ umer khon hõ bạ̃ṛtigetaea.
Pạnḍu upʼ do ṭhonok reakʼ mukuṭ kana; ona do dhorom jionrege ńamokʼa.
Uni do pạtiạran hoṛkoakʼ mocae bondtakoa ar haṛam hoṛkoakʼ bud doe nosṭo ocoytakoa.
Apepe meneda, haṛam hoṛko ṭhen do akel ńamokʼa ar ḍher din bahaokʼicʼ ṭhen do buj menakʼa.
“Sedaeakʼ ona dinko reakʼ katha disạipe; aperen ḍher din laharen hapṛamkoakʼ kathako baṛe hudispe. Onako din reakʼ kathako aperen apatko ṭhen kulijoṅpe, onko do apeko lạiyapea; ar haṛam hoṛko kulikope, onko do apeko bujhạuapea.
Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.