Jobakʼ 14:1 - সান্তালী বাইবেল

¹ Maejiuakʼ kukhireye janam akan manwa do thoṛa din lạgitʼ kanae, uni do jalateye perecʼgea.

Jobakʼ 14:1 Referans Kwoze

Jobakʼ 5:7

Cetʼleka seṅgel do coṭ secʼ pạsirokʼ, onkage duk jom lạgitʼ manwa doe janamokʼ kana.

Sosolhayic̕ 2:23

Dinạm hilokʼ uniyakʼ kạmire duk ar bhabna do tahẽnkangea; ar ńindạ hõ uniyakʼ mon do baṅ jirạukʼkana. Noa hõ ạuṛiyakʼ kana.

Jobakʼ 25:4

Enḍekhan Isor ṭhen manwa do cetʼ miridos bae hoyokʼa? Maejiuakʼ kukhi khon okoeye janam akan uni do cetʼ sapha bae hoedaṛekokʼa?

Jobakʼ 7:1

“Niạ dhạrtire manwa do ạḍi khaṭaokʼ lagaoaea, ar din mujuriko leka uni do dine ṭalaoa.

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

Mathae 11:11

Sạrigeń metapekana, maejiuko khon janam akan modre Johan bạbạptisicʼ khon maraṅ do ar okoe hõ bạnukʼkoa. Menkhan serma rajre okoe do joto khone huḍińge uni do Johan khon hõe maraṅgea.

Sereńko 51:5

Iń do janam tora khonge bedhoromre minạńa; ar kại dosarege eṅgạńakʼ kukhireń tahẽkana.

Jobakʼ 15:14

Manwa doe celekante, uni do saphae hoedaṛekokʼa? Maejiuakʼ kukhi khon janamicʼ doe celekante, dhorome hoedaṛekokʼa?

Jobakʼ 9:25

“Dạdạṛicʼ khon hõ ińakʼ dinko do usạra paromokʼ kana; ona do uḍạu paromokʼ kana, ar bhạlại do bạń ńameda.

Jobakʼ 7:6

Ińakʼ dinko do kicricʼ teteńakʼ mạku khon hõ usạrakʼkana; ar jãhãnakʼ begor astege ses godokʼkana.

Sosolhayic̕ 2:17

Onate iń do ińakʼ jioniń ạṛisada, ente siń cando latarre oka kạmikʼ kan iń ṭhen ona do kosṭo reaṅ hoyena- ar jotoge ạuṛiyakʼgea, hoe tayomte ńir calakʼkan chaḍa ar cetʼge baṅkana.

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Jobakʼ 10:20

Ińakʼ thoṛa din reakʼ bahaokʼ do cabayena; ar ńitokʼ do aṛakʼkạńme jemon thoṛa ghạṛicʼ iń rạskạ daṛeakʼ.

Sereńko 89:47

Hudisme ińakʼ jion do tinạkʼ huḍińgea; ar cetʼ ạuṛiyakʼ lạgitʼ manwa dom benao akatʼkoa?

Jirimiạ 20:18

Kosṭo ar duk ńel lạgitʼ ar lajaote ińakʼ okteko khemao lạgitʼ cedakʼ kukhi khon doń oḍok hecʼena?

Jobakʼ 8:9

Abo do hola mahnderren kangeabon ar cetʼge babon baḍaea, dhạrtire aboakʼ dinko do umul leka paromokʼ kana.

Jobakʼ 25:5

Isorakʼ mẽtʼre ńindạ cando ḍig ḍig bae jolokʼ khan ar ipilko hõ uni samaṅre bako sapha khan,

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.