Jobakʼ 13:26 - সান্তালী বাইবেল

²⁶ Iń upạrte do hewer haṛhatʼ katham oletʼkana ar juạn jokhecʼ reakʼ ghạṭkom lekhawạńkana.

Jobakʼ 13:26 Referans Kwoze

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Johan 5:5

Onḍe do pegel irạl bochor khon rogteye jạbun akan mitʼṭen hoṛe tahẽkana.

Jirimiạ 31:19

Iń do bạṛicʼ horte sen tayom kastaokateń ruạṛ hecʼena, bujhạu ńamkate koṛamiń ceṭakʼena. Iń do lajao ariń opoman ocoyena, ente ińakʼ juạn umer reakʼ kại iạtegeń opoman ocoyena.’

Jobakʼ 20:11

Juạn reakʼ daṛete uniyakʼ jaṅko do perecʼgetaea uni sãote dhuṛire giticʼ akane tahena.

Jobakʼ 3:20

“Okoe dukre menakʼko, onko do cetʼ iạte marsalko ńameda ar cetʼ iạte haṛhatʼ jion hõ jiwiko ńameda?

Rut reakʼ kạhini 1:20

Naomiye menkeda, “Iń do Naomi (metakʼme ‘landa’) do ar alope hohoạńạ, bickom Mara (metakʼme ‘haṛhatʼ’) hohoạńpe, ente sanam daṛean Isor do ińakʼ jiwiye haṛhatʼ akatʼtińạ.

Jobakʼ 9:18

Uni do bae sahẽtʼ ocowạń kana bickom haṛhatʼte ińakʼ jiwiye perecʼetʼ tińạ.

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”