Jobakʼ 13:22 - সান্তালী বাইবেল

²² Ona tayom hohoạńme, ar iń doń goṅ ruạṛa, ar baṅkhan ińge roṛ ocoạńme ar am do ona reakʼ roṛ ruạṛạńme.

Jobakʼ 13:22 Referans Kwoze

Jobakʼ 14:15

Unre amem hohoạńạ ariń goṅ ruạṛa; ar amakʼ titeakʼ kạmiyakʼ lạgitʼem uihạrińa.

Jobakʼ 38:3

Am do herel leka ḍanḍa paṭheytam; iń do amiń kulimea arem roṛ ruạṛạńạ.

Jobakʼ 9:32

“Uni do iń lekan manwa doe baṅkana je, uniń roṛ ruạṛaea se adalotre uni samaṅreń teṅgokʼa.

Jobakʼ 9:16

Ińiń hohoaere ińakʼe ańjomtińlere hõ enhõ ińakʼ kathae ańjoma mente, iń do bạń pạtiạukʼa.

Jobakʼ 9:35

Ona hoylen khan enḍekhan Isor begor botoraete kathań roṛkea, menkhan ńitokʼ ińakʼ oka dosa hoyakan onate iń do bạń daṛeakʼa.

Jobakʼ 13:3

Menkhan sanam daṛeanicʼ sãote galmarao iń khojkana, Isor tulucʼ ińakʼ mambla chinḍạu iń khojkana.

Jobakʼ 31:35

“Hae, ińakʼ katha jãhãeko ańjomletiń khan! Suhikate gohań emetʼkana, ińakʼ katha do sạrikana; ar sanam daṛeanicʼ jemon ińakʼe ańjomtiń, ar ińren bạdi jemon ińakʼ doskoe ol udukʼạń.