Jobakʼ 12:7 - সান্তালী বাইবেল

⁷ “Janwarko ṭhen kulijoṅme, onko do amko cetʼama; coṭren cẽṛẽko ṭhen kulijoṅme, onko hõko lạiyama;

Jobakʼ 12:7 Referans Kwoze

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Kạhtukko 6:6

E asketicʼ, mucʼko ṭhen calakʼme, ar onkoakʼ kạmiko ạṛi bạndhiyte ạkil cetʼjoṅme.

Jirimiạ 8:7

Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

Jobakʼ 12:8

dhạrti lạiyaeme, uni do ame cetʼama; doreãoren hako ṭhen kulijoṅme onko hõ amko lạiyama.

Genesis 1:21

Nonkate Isor do jalapuriren maraṅ maraṅ jiwiyanko ar dakʼre jhake jhak aema lekan jiwiyankoe sirjạuketʼkoa. Ona chaḍa aema lekan cẽṛẽko hõe sirjạuketʼkoa. Ar apan ạpin jạtrenko lekate bạḍokʼ reakʼ daṛe hõe danatʼkoa. Isore ńelkeda ona do ạḍi mońjge hoyakana.

Genesis 1:25

Isor do dhạrtiren sanam lekan bir janwarko, ạsul janwarko ar sanam lekan leńokʼ ṭunḍạṅkan jiwiyankoe benaoketʼkoa. Noko sanamkoge apan ạpin jạtrenko lekate saṅgekʼ reakʼ daṛeye ematʼkoa. Isore ńelkeda ona do ạḍi mońjge hoyakana.

Jobakʼ 8:10

Onko ṭhen khon am do cecetʼakʼ ar solham ńama; ar onko okako baḍae onageko lạiyama.

Kạhtukko 30:24

Ponea menakʼkoa dhạrtire, okoeko huḍińge onko do ạkilteko perecʼgea.