Jobakʼ 12:4 - সান্তালী বাইবেল

⁴ Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

Jobakʼ 12:4 Referans Kwoze

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Jobakʼ 30:1

“Menkhan ńit okoe do iń khon umerteko komaoge onko do ińko landa-dhutʼạń kana; onkoren apatko do ińren bhiḍi gukʼpiko ar setako tulucʼ dohoko lạgitʼ hoń nihạ̃tletʼkoa.

Jobakʼ 21:3

Iń kathań roṛ jokhecʼ do sahaoetińpe; ariń roṛ sạtlere baṛe cigạriwạńpe.

Jobakʼ 17:6

“Isor do hoṛkoakʼ kạhtukgeye hoyoco akadińa, mẽtʼãhãre sanam hoṛko thoyạńkan lekage.

Jobakʼ 17:2

Cikʼgạriko do sạrige iń beṛhaete menakʼkoa; onkoakʼ siṛog doń ńel ńameda.

Jobakʼ 16:10

Iń landa-dhutʼạń lạgitʼ hoṛ do mocako cahapʼ akatʼtakoa; siṛogate johareko thapa edeńkana ar iń upạrte mitʼ sãoteko jarwakʼ kana.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriyadea, menkhan eṭakʼko doko menkeda, “Ale do noa reaṅ arhõle ańjoma.”

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Mark 5:40

Noa katha ańjomkate hoṛko do Jisuko landa dhutʼadea. Unre Jisu do oṛakʼ khon sanam hoṛ oḍokokʼe metatʼkoa. Ona tayom kuṛiren eṅgat-apat ar acʼren celako soṅgekate kuṛiye tahẽkan oṛakʼteye boloyena.

Mathae 27:29

Ar jạnum nạ̃ṛĩ reakʼ mukuṭ galaṅkate bohokʼreko horokʼadea, ar jojom tire mitʼṭecʼ ṭheṅgako sapʼadea. Ona tayom ikhṛumkate siṛogateko metadea, “Johar Jihudikoren raj.”

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Sereńko 35:16

Hulạsokʼ jokhecʼ Isor bin botorae ṭiṭkạriko leka onko do iń upạrte togocʼ ḍaṭako ehopʼena.

Jobakʼ 16:20

Okoe iń secʼ menae uni do ińren gate kanae, ar Isor ṭhen iń do mẽtʼ dakʼ iń joroyetʼtińạ.

Jobakʼ 11:3

Amakʼ noa ạuṛiyakʼ katha ańjomkate hoṛ do cetʼ hape akanko tahena? Amem landawakore cetʼ am do bako lajao ocomea?

Jobakʼ 6:29

Hudis ruạṛpe, behokko do alope hoyokʼa; arhõ hudispe, ente iń do ńithõ dhoromge minạńa.

Mathae 9:24

Onate Jisui metatʼkoa, “Ape do bahrete oḍokokʼpe. Kuṛi do bae gocʼakana, ekene jạpitʼ akada.” Noa katha ańjomkate onko do uniko landa dhutʼadea.

Jobakʼ 9:21

Iń doń miridosgea, onate do cetʼ cekakʼtińạ? Iń do apnarakʼ jiwigeń hirkhạwakʼ kana.

Jobakʼ 12:5

Sukren hoṛ do duk kosṭoko nindạueda; onkoko hudiseda ona do leńjedokʼkan hoṛkoakʼ kana.

Jobakʼ 13:18

Ińakʼ roroṛteakʼ do ńit iń ṭhik dohoakada, onateń baḍaea, iń do dhorom menteń ṭarhaokʼgea.

Jobakʼ 30:9

“Ńitokʼ onkoren hoponko do õṛhẽ sereńte ińko landa-dhutʼạń kana; onko ṭhen do kạhtukgeń hoyakana.

Jobakʼ 34:7

Job leka cetʼ jãhãe menaea okoe do dakʼ ńu bikʼ leka ṭiṭkạriye ńamakatʼ?

Jirimiạ 20:7

E Probhu Isor, am dom bulạu kedeńte ińakʼ nonka dosa do hoyakantińạ; ar iń khonem daṛegete am dom jitạu akana. Iń do goṭa dinge landa-dhutʼạń kan hoṛgeń hoyakana; ar sanam hoṛge ińko siṛogạń kana.