Jobakʼ 12:13 - সান্তালী বাইবেল

¹³ “Menkhan akel ar daṛe do Isor ṭhenge menakʼa; sopolha ar buj hõ uni ṭhenge.

Jobakʼ 12:13 Referans Kwoze

Jobakʼ 36:5

“Isor doe jorangea, menkhan manwa do bae nihạ̃tetʼkoa; acʼakʼ buj reakʼ daṛereye jorangea.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Kạhtukko 8:14

Solha ar sạri bidiạ do ińrege; buj do ińge, jor hõ ińge.

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Daniel 2:20

Uni doe menkeda, “Isor do jaejug baṛe bhạganicʼe hoyokʼma; ạkil ar daṛe do uniyakʼge.

Sereńko 147:5

Aboren Probhu Isor doe maraṅgea, ar uniyakʼ daṛe do ḍhergea; uniyakʼ bud ar akel reakʼ mucạtʼtetʼ do bạnukʼanaṅ.

Jobakʼ 11:6

ar ạkil reakʼ okoakʼkoe baḍae ocome, ente uni do ạḍi lekan bud menakʼtaea. Ar noa baḍaekakʼme amakʼ ghạṭ lekate Isor do sạjại do bae emama.

Ephesiko lạgitʼ Pạul Apostolakʼ ciṭhi 1:8

Isor do noa daya acʼakʼ maraṅ bud ar akel salakʼe dan akatʼ bona.

1 Korinthiko 1:24

menkhan baṅ do Jihudige ar baṅ do Junạnige, Isor okoeye hohoakatʼko onko ṭhen do uni Mạsi kangeae Isorakʼ daṛe ar akeltetʼ.

Romiko lạgitʼ Pạul Apostolakʼ ciṭhi 11:34

Probhu Isorakʼ mon do okoe haleye baḍaeakada? Ar okoe baṅ uniren sosolhayicʼe hoyakan?

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Jobakʼ 38:36

Kạriḍaṅ rimilkore ạkil do okoeye ematʼa, ar kuṛhạkore buj hõ okoeye emakawada?

Jobakʼ 12:16

Daṛe ar akel do uniyakʼ kangea; ekʼṛeyicʼ ar eṛe ocokʼicʼ bana hoṛge uni latarren kanakin.

Jobakʼ 26:12

Uni do acʼakʼ daṛete jalapuriye ạulạ ạuli ocoyeda; acʼakʼ budte uni do Rahabe chaka chunekana.

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.