Jobakʼ 12:10 - সান্তালী বাইবেল

¹⁰ Uniyakʼ tirege sanam jiwiyankoakʼ jiwi do menakʼa; sanam manwakoakʼ sãhetʼ hõ uniyakʼ tirege menakʼa.

Jobakʼ 12:10 Referans Kwoze

Aposkạmi 17:28

ente uniyakʼ daṛetege jion bon khemaoeda arbon dãṛãn kana ar jiwetʼ hõ menakʼ bona. Aperen adom sereń joṛaokoko menakada, ‘abon hõ uniren hoponko kana bon.’

Jobakʼ 33:4

Isorren jiu doe benao akadińạ; ar sanam daṛeanicʼakʼ sahẽtʼ doe jiwetʼ akadińạ.

Aposkạmi 17:25

Uni do jãhãn reṅgecʼ bạnukʼtaea, onate manwakoakʼ tite pujạ hatao hõ baṅ jạruṛaea, ente unige sanam manwako jiwi, sahẽtʼ ar eṭakʼ jotowakʼkoe danako kana.

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Jobakʼ 27:3

tinạkʼ din ińre jiwi menakʼ, tinạkʼ din Isorakʼ sahẽtʼ ińakʼ mũre tahen,

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Sereńko 104:29

Mẽtʼãhãm danaṅetʼtam khan onko doko keklesedokʼ kana; ar onkoakʼ sahetʼem hatao ruạrletako khan onko doko gujukʼa,

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Johan 3:6

Manwa khon janam akanicʼ do manwage ar Jiu khon janam akanicʼ do Jiuge.

Genesis 6:17

Iń do dhạrtire mitʼṭecʼ ḍubạ dakʼ iń ạguya jemon serma latarre tinạkʼ do sahẽtʼetʼkan jiwiyanko menakʼko onko joto doń ḍahao maraokoa. Onate dhạrtiren sanam manwako doko marao utạrokʼa.

Jobakʼ 27:8

Isor do acʼ baṅ botoraekanko tinreye maraokoa, unre onko do cetʼ asge baṅ tahentakoa.

Sosolhayic̕ 9:1

Ona iạte iń do niạko reaṅiń hudiskeda ariń ńelkeda, dhorom ar ạkilan hoṛko ar onkoakʼ kạmi do jotoge Isorakʼ tire menakʼa. Okoehõ bako baḍaea onko samaṅre cetʼ menakʼa mente- dulạṛ se edre.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Sereńko 104:30

Ar amren jiuem kol lekhan doko sirjạukʼa; ar nãwã nãwã jiwite dhạrtim sajaoeda.

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.