Jobakʼ 11:7 - সান্তালী বাইবেল

⁷ Isorakʼ okoakʼko reakʼ khạndritetʼ do cetʼem baḍae daṛeakʼa? Sanam daṛeanicʼakʼ simạna baṅ tinạkʼ sạṅgiń ona do cetʼ suṭhik katem ńel daṛekea?

Jobakʼ 11:7 Referans Kwoze

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Sosolhayic̕ 3:11

Uni do sanamakʼ reakʼ okteye ṭhik dohoakada. Uni do manwa ontorre jaejug reaṅ bujhạu reakʼ mone emakawadea, menkhan manwa do pạhil khon mucạtʼ hạbicʼ cetʼe cekaea ona bae bujhạu daṛeakʼa.

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Jobakʼ 5:9

Uni do nonkan maraṅakʼkoe kạmiyeda one ona reakʼ khạndritetʼ do oho jokhalena; uni do nonkan hahaṛawakʼkoe kạmikana ona do tisge oho lekha cabalena.

1 Korinthiko 2:16

Sonot sostorre olakana, “Probhu Isorakʼ mone do okoeye baḍae akatʼte, uni doe sikhạu daṛekea?” Menkhan abo do Mạsiyakʼ mon bon ńam akawana.

1 Korinthiko 2:10

Menkhan Isor do acʼren Jiu hotete onako abo ṭhene sodor akada, ente sonot Jiu do bin baḍaeyakʼ mente cetʼge bạnukʼtaea; ente uni do Isorakʼ khạndriakʼko hõe baḍaegea.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Jobakʼ 26:14

Noako do uniyakʼ daṛe reakʼ ańcar kana, ar abo do eken uni reaṅ khae khoege bon ańjometʼa; uniyakʼ daṛe huḍur do okoeye bujhạu daṛeketaea?”

Jobakʼ 22:12

“Isor do cetʼ coṭ sermare bae tahẽnkana? Ipilko ńelkom, tinạkʼ coṭre menakʼkoa!

Jobakʼ 33:12

“Ińiń metama, noare do bam ṭhikeda, ente manwa khon Isor doe maraṅgea.

Jobakʼ 33:13

Cedakʼ uni tulucʼ dom jhogṛakʼ kana manwawakʼ jãhãn katha reakʼ roṛ ruạṛge coṅ bae emokʼ?

Jobakʼ 36:26

Isor doe maraṅgea menkhan abo do babon bujhạu orom daṛeae kana. Uniyakʼ umer baṅ tinạkʼ ona do ohoge bon baḍae daṛelea.

Jobakʼ 37:5

Isor do hahaṛageye aṛaṅeda; uni do napṛakʼakʼkoe kạmikana one oka do babo bujhạu daṛeakʼkan.

Sosolhayic̕ 7:24

Jion reakʼ asol manetetʼ do khạndrigea, ona do baṅ ṭạmḍạu tiyogokʼa; ar okoe ona doe sendra ńam daṛekea?

Jobakʼ 27:11

Isorakʼ ektiạri reaṅ iń cetʼapea; sanam daṛeanicʼ reaṅ do bạń oko danaṅa.

Jobakʼ 35:5

Serma secʼ beṅgedpe ar; ńelpe, rimil do tinạkʼ coṭre menakʼa mente.

Jobakʼ 42:3

Am dom kuliyan tahẽkana, ‘uni doe okoe kana, one bin bujhạute solhawakʼe dapal okoyetʼkan?’ Niạ katha do sạrikana je, oka bạń bujhạu akatʼ ona babotre iń do kathań roṛleda; Ińakʼ lek do hahaṛawakʼkoge, okako bạń baḍaeakatʼ tahẽkan.

Sereńko 139:6

Amakʼ noa akel do iń lạgitʼ bujhạujoṅ do muskilgea; ona do ạḍitetʼ usula, ohogeń tiokʼ daṛelea.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.