Jobakʼ 11:19 - সান্তালী বাইবেল

¹⁹ Giticʼ jirạu joṅre celege bako comkao ocomea. Ar ḍher hoṛ do amakʼ daya ńam lạgitʼko aroja.

Jobakʼ 11:19 Referans Kwoze

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Sereńko 45:12

Tur nagraharen hoponerako do sandesko ạgu daraya; ar ạḍi kisạ̃ṛ hoṛko do amakʼ dayako khoja.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Kạhtukko 19:6

Cetan hudạren hoṛakʼ daya ńam lạgitʼ ḍherkoge uniko bạsutaea, ar dan emokʼicʼren do sanamkoge gateko hoyokʼtaea.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Jobakʼ 11:18

Amakʼ do dil tahena, ente as menakʼgetama; beṛhaetem beṅgeda ar khạtirjomam jirạujoṅa;

Sereńko 4:8

E Probhu Isor, amge bin botortem doho akadińạ, onate iń do sulukteń jạpida.

Sereńko 127:2

Ape do ạuṛiyakʼge jomakʼ jogaṛ lạgitʼ ạḍirepe beretʼkana ar ạḍi anecʼpe giticʼkana; menkhan Probhu Isor okoeye dulạṛetʼko onko tinreko jạpitʼjoṅa unre uni do onkoakʼ jạruṛokʼkoe emako kana.

Kạhtukko 3:24

Gitijokʼre ar do bam botorokʼa, ar amakʼ jạpitʼ hõ suk reakʼ hoyokʼtama.

Jesaea 17:2

Aroye reakʼ atoko do jaejug lạgitʼ ńir bạgiyakʼge hoyokʼa. Onako do janwarko lạgitʼge hoyokʼa. Onko do onḍegeko aḍakʼa; ar celege bako botor ocokoa.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Sephaniạ 3:13

Israelren onko sarecʼ hoṛ do behokakʼ bako kạmiya; onko do eṛe katha hõ bako roṛa ar onkoakʼ moca khon phạsiaratetʼ hõ baṅ tahena. Onko do jom-ńũkate khạtirjomako jạpitʼjoṅa ar celege bako botor ocokoa.”

2 Bõsbudạ 20:30

Onate Jehosaphat raj do sulukteye tahẽyena, ente uniren Isor do sanam secʼtege suluke emade tahẽkana.

Jeheskel 34:28

Onko do jạt jạtkoren luluṭ jinis do ar bako hoyokʼa, bir janwarko ṭhen hõ bako jom ocokʼa. Onko do khạtirjomako tahena ar celege bako botor ocokoa.