Jobakʼ 11:15 - সান্তালী বাইবেল

¹⁵ enḍekhan am do bin dusạnte bohokʼem rakabtama ar begor botorte kajaktem teṅgokʼa.

Jobakʼ 11:15 Referans Kwoze

Jobakʼ 22:26

Unre sanam daṛeanicʼ iạte sạrigem rạskạkʼa ar amakʼ mẽtʼãhã do Isor secʼem rakabtama.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Kạhtukko 14:26

Dhorom hoṛ do keṭecʼ bhorsa menakʼtaea ar uniren gidrạko lạgitʼ do aotan gaṛ menakʼa.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Jobakʼ 10:15

Ińiń dusige khan iń cetanre do muhin hecʼ paṛaoạńạ. Ar bin dusạniń hoylenre hõ bohokʼ do bạń rakapʼ daṛeạtińa, ente lajaoteń perecʼ akana ar kosṭoteń unum akana.

Genesis 4:7

Bhageakʼem kạmi akatʼ khan enḍekhan amakʼ mẽtʼãhã do cedakʼ kharsala baṅ ńelokʼkantama? Am do bhageakʼ bam kạmi akatʼte kại doe khudạu baṛamea ar ona do amakʼ duạrre hecʼkate duṛupʼkokʼa; menkhan uni bhagaoe hoyokʼtama.”

Sereńko 27:3

Palṭon phạdko ińko esetʼ ạcur lińre hõ, enhõ ińakʼ mon do baṅ botorokʼtińạ; ar iń upạrte lạṛhại ehopʼlenre hõ enrehõ iń do bhorsa do tahentińgea.

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.