Jobakʼ 10:7 - সান্তালী বাইবেল

⁷ Baḍaegeam dusi doń baṅ kana ar amakʼ ti khon okoehõ bako rukhiyạ daṛeạńạ.

Jobakʼ 10:7 Referans Kwoze

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

1 Thessalonikikko 2:10

Ar okoekope pạtiạu akan, ape tulucʼ aleakʼ beohar do, sonot, dhorom ar niphuṭge tahẽkana, ar onaren gohako do Isor ar apege.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Hosea 2:10

Ar acʼren dulạṛiạwakʼ mẽtʼãhã samaṅrege uniyakʼ lajao paṛaoakʼ kạmi reakʼ iń sodortaea; ińakʼ ti khon uni do celege bako bańcao daṛeaea.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Sereńko 17:3

Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Sereńko 7:3

E Probhu, ińren Isor, nonkanakʼ jãhãnakʼ iń kạmi akatʼ khan, ar bạṛicʼakʼ reakʼ jãhãn dag ińakʼ tire menakʼ khan,

Sereńko 1:6

ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Jobakʼ 42:7

Job do niạko kathae roṛketʼ khan Probhu Isor do Timani Eliphase metadea, “ińren guti Job cetʼlekae menakatʼ am ar amren gateko do iń reakʼ ṭhikakʼ do bape roṛakada; ona iạte ape cetanre edrete pit caṛhao akantińạ.

Jobakʼ 31:35

“Hae, ińakʼ katha jãhãeko ańjomletiń khan! Suhikate gohań emetʼkana, ińakʼ katha do sạrikana; ar sanam daṛeanicʼ jemon ińakʼe ańjomtiń, ar ińren bạdi jemon ińakʼ doskoe ol udukʼạń.

Jobakʼ 31:14

enḍekhan Isor do iń samna sạmni tinreye teṅgona unre cetʼ iń cekaya? Uni do cetʼ roṛ ruạṛ iń emawaea?

Jobakʼ 31:6

Khạṭi tulạte Isor do ińe soṅeńma, enḍekhane baḍae daṛeakʼa, iń doń miridosgea.

Jobakʼ 23:10

Menkhan iń oka horteń calakʼkan ona doe baḍaekana; are biḍạu aṭkarliń khan iń do khạṭi sona lekageń hoykokʼa.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

Jobakʼ 9:12

Uniye rerecʼ khan okoe uni doe tạkicʼ daram daṛekea? Okoe uniye kuli daṛekea, ‘am do cetʼem cekayeda mente?’

Jobakʼ 9:21

Iń doń miridosgea, onate do cetʼ cekakʼtińạ? Iń do apnarakʼ jiwigeń hirkhạwakʼ kana.

Jobakʼ 9:22

Sanamakʼge somangea, onateń meneda, ‘miridos ar bedhorom-nukin banarge uni doe maraokinạ.’

Jobakʼ 10:15

Ińiń dusige khan iń cetanre do muhin hecʼ paṛaoạńạ. Ar bin dusạniń hoylenre hõ bohokʼ do bạń rakapʼ daṛeạtińa, ente lajaoteń perecʼ akana ar kosṭoteń unum akana.

Jobakʼ 11:4

Am do Isorem metaekana, amakʼ pạtiạure jãhãn khutge bạnukʼa ar uniyakʼ mẽtʼre am dom khạṭigea.

Jobakʼ 13:18

Ińakʼ roroṛteakʼ do ńit iń ṭhik dohoakada, onateń baḍaea, iń do dhorom menteń ṭarhaokʼgea.

Jobakʼ 27:22

Ona birbão hoe khon tinre usạrateko ńirjoṅa unre kurmutạha leka ona do onko cetanre paṛaokʼa.

Jobakʼ 32:1

Job acʼakʼ mẽtʼre dhorome hudisokʼkante onko pene hoṛ do Job roṛ ruạṛaeko thirena.

Jobakʼ 33:9

Amem meneda, ‘iń doń saphagea, ińakʼ do jãhãn kạige bạnukʼtińạ; iń doń dhoromgea, ińre jãhãn dosge bạnukʼa.

Jobakʼ 40:8

Am do cetʼ ińakʼ bicạrem bhoṭetʼtińa? Ińgem dusiyediń kante cetʼ am do dhoromem ṭarhaokʼ kana?

Jobakʼ 23:11

Iń do pạtiạr salakʼge uniń pańjayede kana; bạṛicʼ horte baṅ senkate uniyakʼ hortegeń taṛametʼkana.

Jesaea 43:13

Hẽ, pạhil khon ini kangeạń. Okoege ińakʼ ti khon do ohoko rukhiyạ daṛelena. Ińiń kạmile khan ona do okoe hõ bako bạtil daṛeakʼa.”

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.