Jobakʼ 10:6 - সান্তালী বাইবেল

⁶ Ona iạte cetʼ ińakʼ doskom sendra kana ar ińakʼ ghạṭkom suṭhik bakʼṛa kana?

Jobakʼ 10:6 Referans Kwoze

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Sereńko 44:21

enḍekhan Isor do cetʼ ona bae baḍaekan tahẽkana? Uni ma aleakʼ ontor reakʼ jotowakʼge coṅe baḍaege.

Sereńko 10:15

Bedhorom ar bạṛicʼ hoṛakʼ ektiạri do caba utạrme baṛe; ar uniyakʼ sanam behok reakʼ hisạb hataome.

Jobakʼ 14:16

Unre am do ińakʼ jaṅga reakʼ taṛamem lekhaea menkhan ińakʼ kại secʼ do bam beṅgeda.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Jobakʼ 7:20

E manwaren horhoyicʼ, ińiń kại akatʼ khan enḍekhan onate amakʼ do cetʼtam. Amakʼ jos menkate do cedakʼem doho akadińạ? Iń do cetʼ amren bojhań hoyakana?

Jobakʼ 13:23

Lạiạńme, ińakʼ behokakʼ ar kại do cetʼ kana? Ińakʼ dos ar kại baṛe udukʼạńme.

Jobakʼ 21:4

“Iń do cetʼ manwa upạrteń roroṛkana? Cedakʼ iń do bạń ạṛisokʼa?

Jobakʼ 33:13

Cedakʼ uni tulucʼ dom jhogṛakʼ kana manwawakʼ jãhãn katha reakʼ roṛ ruạṛge coṅ bae emokʼ?