Jobakʼ 10:2 - সান্তালী বাইবেল

² E Isor, iń do alom bicạr dusiyińạ menkhan iń upạrte oka khanḍa khạnḍi menakʼtam ona baḍae ocoyińme.

Jobakʼ 10:2 Referans Kwoze

Sereńko 143:2

Iń amren golam do alom bicạrińạ, ente amakʼ mẽtʼãhã samaṅre sanam jiwiyankoge dhorom doko baṅkana.

Jobakʼ 9:29

Iń do tinre dusi menkateń hudis ocokʼa, unre cedakʼ ạuṛiyakʼ doń kosṭokʼa?

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Sereńko 109:21

Menkhan am do, E Probhu ińren Isor, amakʼ ńutum khạtirte iń baṛe dayawạńme; ar amakʼ dulạṛ do bhagege iạte iń bańcaoińme.

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Jobakʼ 9:3

Jãhãege uni sãote reṭepeṭekʼe khoj, enḍekhan hajar goṭecʼe kuklile khan uni do mitʼṭecʼ reakʼ roṛ ruạṛ hõ bae em daṛeakʼa.

Jobakʼ 40:2

“Sanam daṛean tulucʼ okoeye reṭepeṭekʼkan uni do cetʼ uniye sudhrạuea? Isor tulucʼ okoeye reṭepeṭekʼkan unige roṛ ruạṛe emokʼma.”

Jobakʼ 7:20

E manwaren horhoyicʼ, ińiń kại akatʼ khan enḍekhan onate amakʼ do cetʼtam. Amakʼ jos menkate do cedakʼem doho akadińạ? Iń do cetʼ amren bojhań hoyakana?

Jobakʼ 13:23

Lạiạńme, ińakʼ behokakʼ ar kại do cetʼ kana? Ińakʼ dos ar kại baṛe udukʼạńme.

Jobakʼ 21:4

“Iń do cetʼ manwa upạrteń roroṛkana? Cedakʼ iń do bạń ạṛisokʼa?

Jobakʼ 33:13

Cedakʼ uni tulucʼ dom jhogṛakʼ kana manwawakʼ jãhãn katha reakʼ roṛ ruạṛge coṅ bae emokʼ?

Sereńko 27:7

E Probhu, amiń hohowamre ańjomtińme, ar dawayạńme baṛe, ariń hohowamre roṛ ruạṛạńme.