Jobakʼ 10:15 - সান্তালী বাইবেল

¹⁵ Ińiń dusige khan iń cetanre do muhin hecʼ paṛaoạńạ. Ar bin dusạniń hoylenre hõ bohokʼ do bạń rakapʼ daṛeạtińa, ente lajaoteń perecʼ akana ar kosṭoteń unum akana.

Jobakʼ 10:15 Referans Kwoze

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jobakʼ 9:15

Apnarte dhoromicʼ iń hudisokʼ kanre hõ bạń roṛ ruạṛ daṛeae kana; ińren bikʼcạricʼ ṭhen eken daya reakʼgeń koea.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Sereńko 25:18

Ińakʼ duk ar kosṭo secʼ beṅgedme; ar ińakʼ sanam kạiko ikạ kạtińme.

Jobakʼ 10:7

Baḍaegeam dusi doń baṅ kana ar amakʼ ti khon okoehõ bako rukhiyạ daṛeạńạ.

Luk 17:10

Onkage Isorakʼ hukum leka sanamakʼ kạmi tayom ape do menpe, ‘okạjuạ gutiko kanale; okaṭakʼ kạmi lek tahẽkantale eken inạgele kạmi akada.’ ”

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Sereńko 119:153

Ińakʼ duk beṅgetʼakʼme ar rukhiyạyińme, ente iń do amakʼ hukumko bạń hiṛińakada,

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

Jobakʼ 27:7

“Ińren bạiri do dusṭạmi hoṛ lekako hoyokʼma; iń upạrte teṅgonicʼ do bedhoromicʼ lekae hoyokʼma.

Jobakʼ 23:15

Onate uni samaṅre iń do ạḍiń botorokʼa; noakoń hudisle khange uni doń botoraea.

Jobakʼ 21:6

Niạko kathań hudisle khan botor rakapʼạń kana; ar hoṛmo do thar tharaokʼ kantińạ.

Jobakʼ 9:29

Iń do tinre dusi menkateń hudis ocokʼa, unre cedakʼ ạuṛiyakʼ doń kosṭokʼa?

Jobakʼ 9:12

Uniye rerecʼ khan okoe uni doe tạkicʼ daram daṛekea? Okoe uniye kuli daṛekea, ‘am do cetʼem cekayeda mente?’

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Jobakʼ 6:29

Hudis ruạṛpe, behokko do alope hoyokʼa; arhõ hudispe, ente iń do ńithõ dhoromge minạńa.

Sereńko 83:16

Onkoakʼ mẽtʼãhã do lajaote perejtakome, jemon E Probhu Isor, onko do amko hohowam.