Jobakʼ 1:8 - সান্তালী বাইবেল

⁸ Unre Probhu Isor do Soetane metadea, “Ińren guti Job do cetʼem kheyal akadegea? Dhạrtire uni lekan do ar celege bạnukʼkoa. Uni do bindusạn are dhoromgea. Uni do ińe botorạń kana ar sanam lekan bạṛicʼakʼ khon sạṅgińreye tahenkana.”

Jobakʼ 1:8 Referans Kwoze

Jobakʼ 2:3

Unre Probhu Isor do Soetane metadea, “Ińren guti Job secʼem kheyal akada? Dhạrtire uni lekan ar celege bạnukʼkoa. Uni do bin dusạn are dhoromgea. Uni do ińe botorạń kana ar bạṛicʼakʼ khon sạṅgińreye tahenkana. Ar ńit hạbicʼ uni do jãhãnakʼ bae dos akatʼre hõ ạuṛiyakʼte uniyakʼ bạṛicʼ lạgitʼem uskurediń kana.”

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Jesaea 1:16

Ape do apnartetʼ khạṭikʼpe ar saphakʼpe. Ińakʼ mẽtʼãhã samaṅ khon apeakʼ sanam bạṛicʼ kạmiko sạṅgiń giḍikakʼpe; ar onako alope kạmiya.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Jobakʼ 8:20

“Bindusạn hoṛ do tisge Isor bae bạgi giḍiaea, se bạṛicʼko kạmikan hoṛkoakʼ ti do bae daṛe ocoya.

2 Rapajko 23:25

Uni do acʼakʼ goṭa mon, ontor ar daṛete Mose emakʼ sanam ạn-ạriko leka Probhu Isorakʼ horteye taṛametʼ tahẽkana. Uni lahate se uni tayomte ar okoe rajge uni leka do bako tahẽkana.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Sereńko 18:23

Uni samaṅre bin dusạngeń tahẽkana; iń do kại khon hõ pharakreń tahẽlena.

Jobakʼ 34:14

Uni do eken acʼakʼ kathageye hudisle khan ar acʼren jiu ar sahẽtʼ do acʼ ṭhengeye ruạṛ idile khan,

Jobakʼ 12:4

Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Jeheskel 40:4

Uni hoṛ do ińe metadińạ, “E manwa hopon, am do mẽtʼte ńelme ar luturte ańjomme ar iń okań udukʼam ona jotowakʼ moneyakʼme, ente ona lạgitʼge nonḍeń ạgu akatʼmea. Ar jãhãnakʼgem ńel ona jotoge Israelkom lạiyakoa.”

Sereńko 89:20

Ińren golam Dạud doń sendra ńam akadea; ar ińakʼ sonot sunumteń ojokʼ bahalkedea.

Sereńko 37:27

Bạṛicʼakʼ bạgiyakʼme ar bhageakʼ kạmime, onate jaejug hạbicʼ jiwetʼem tahena.

Sereńko 36:1

Bạṛicʼkoakʼ ghạṭ reaṅ ińakʼ ontor do Isorakʼ noa kathae ńam akada, “Bạṛicʼko do Isor bako botoraea.”

Sereńko 34:14

Bạṛicʼ kạmi khon sạṅgińre tahenpe, ar bhageakʼ kạmipe; suluk lạgitʼ ahkaokʼpe ar ona do alope aṛakʼ giḍikakʼa.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Josuạ 1:2

“Ińren guti Mose doe gocʼena. Ona iạte ńitokʼ do amge noko Israelko ona jordan gaḍa paromokʼ lạgitʼ sapṛaokom ar okaṭakʼ disạm onkoń emako lạgidokʼkan onḍe bolokʼme.

Jobakʼ 2:1

Mitʼdin serma goḍetko do Probhu Isor samaṅreko hạjirena, ar Soetan hõ uni samaṅre hạjirokʼ lạgitʼ serma goḍetkoe ạguketʼkoa.