Jobakʼ 1:5 - সান্তালী বাইবেল

⁵ Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Jobakʼ 1:5 Referans Kwoze

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Jobakʼ 8:4

Amren hopon ar hoponerako do khạṭige uni upạrteko kại akada, ona iạte kại reakʼ sạjại do onko tireye dohoakada.

1 Samuel 16:5

Sạmuele roṛ ruạṛkeda, “Hẽ, iń do suluk montegeń hecʼakana. Iń do Probhu Isor ńutumte janwar samaṅokʼakʼ lạgitʼgeń hecʼakana. Ape do sonotokʼpe iń sãote niạ samaṅokʼakʼre seledokʼpe.” Niạ menkate uni do Jisại ar uniren hoponkoe sonot ocoketʼkoa ar ona samaṅokʼakʼre seledokʼ lạgitʼe neotaketʼkoa.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Aposkạmi 8:22

Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

1 Rapajko 21:10

Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

Genesis 22:3

Onate Abraham do ạḍi setakʼre beretʼkate gadhae palanadea. Ar ona tayom acʼren hopon Isahak ar jeredokʼ samaṅokʼakʼ lạgitʼ sahane hataokeda ar acʼren barea gutiye soṅgeketʼkinte Probhu Isor okaṭakʼ ṭhạ̃i reakʼ kathae metade tahẽkan ona secʼe mohnḍayena.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Aposkạmi 21:26

Unre Pạul do onko hoṛe iditoraketʼkote acʼhõ onko sãoteye saphayena. Ar dosar hilokʼ uni do mundilteye calaoena, ar onkoakʼ saphakʼ reakʼ kạmi tis cabakʼa mente ar mimitʼko lạgitʼ tis janwar teṅgenko hoyokʼa onakoe baḍae ocoketʼkoa.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Johan 11:55

Unre Jihudikoakʼ bańcaokʼ porob do sor akan tahẽkana. Ar porob lahare saphakʼ lạgitʼ ạḍi utạr hoṛ do atoko khon Jerusalemteko calao akan tahẽkana.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Sereńko 5:3

E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Jobakʼ 41:25

Uniye beretʼlenre daṛeanko doko lukutʼ lukudokʼa; onko do botorteko pạcokʼa.

Jobakʼ 27:10

Onko do cetʼ sanam daṛeanicʼ iạteko rạskạkʼa? Onko do cetʼ jaoge Isorko hohoaekana?

Jobakʼ 2:9

Unre uniren bạhu doe menkeda, “Am do cetʼ ńitokʼ hõ bin dusigeam mentem dạbiyetʼkana? Isor dusiyete gujukʼme baṛe.”

Jobakʼ 1:11

Menkhan ma ti tiạrkate uniyakʼ jotowakʼre hạneme, enḍekhan khạṭige uni do am samaṅre henosta reakʼ kathae roṛa.”

Nehemiạ 12:30

Naeke ar Liwiko do apnartetʼko saphayena ar hoṛko hõko saphaketʼkoa; ar ona tayom do pạcri ar phaṭok duạrko saphakeda.

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Exodus 18:12

Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

1 Rapajko 18:31

Uni do Jakobren hoponkoakʼ mimitʼ gusṭi lạgitʼ mimitʼ goṭecʼkate gel bar goṭecʼ dhiriye hataoana. Nui Jakobge Probhu Isore metade tahẽkana, “Amakʼ ńutum do hoyokʼa Israel.”

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Jobakʼ 1:4

Uniren hoponko do pạli pạlite apan ạpin oṛakʼreko bhojetʼ tahẽkana ar onko tulucʼ jom ńũi lạgitʼ hoṛ kolkate akoren pea boeha kuṛiko neotayetʼko tahẽkana.

Jobakʼ 6:14

“As chuṭạukʼ kan hoṛ do sanam daṛeanicʼ bae botorae kanrehõ, enhõ uniren gateko do unire pạtiạr tahen lek kanako.

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.