Jobakʼ 1:20 - সান্তালী বাইবেল

²⁰ Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Jobakʼ 1:20 Referans Kwoze

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Esra 9:3

Niạ katha ańjomkate mon reakʼ kosṭote iń do horokʼakʼ kicricʼ iń oṛecʼkeda ar ińakʼ bohokʼ reakʼ upʼ ar gocoyiń racakʼ totʼketʼte hadosań duṛupʼ hapeyena.

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Dosar Biboron 9:18

“Probhu Isorakʼ mẽtʼãhã samaṅre nonkanakʼ kạikate ape do uniyakʼ edrepe rakapʼ ocoketʼtaete iń do lahate leka arhõ pongel siń ar pongel ńindạ Probhu Isor samaṅre ikhṛum hapegeń tahẽyena; dakʼ se piṭhạ cetʼge bạń jom ńũleda.

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

2 Bõsbudạ 7:3

Seṅgel pheḍ hijukʼko ńelketʼte ar koejoṅ oṛakʼ coṭre Probhu Isorakʼ ṭhonokko ńelketʼte sanam Israelko do dhirite tol akatʼ racareko ombakʼente Probhu Isorko ḍobokʼadea ar niạ menkateko sarhaokedea, “Uni doe bhạgangea; uniyakʼ daya do jaejug hạbicʼ tahenkana.”

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

2 Rapajko 2:12

Elisae do ona ńelte ãṭ aṛaṅteye menkeda, “E ińren ạpuń, E ińren ạpuń, ńelme, Israelakʼ rãt gạḍi ar aswariko.” Inạ tayom Elisae do ar bae ńel ńamledea. Unre uni do acʼakʼ kicricʼe or cirạketʼtaea.

Jobakʼ 1:19

Unre hahaṅkar khon ackage mitʼṭecʼ birbão hoe rakapʼ hecʼena ar ona oṛakʼre bajaoena. Onate oṛakʼ do onko cetanre ńurena ar onko doko gocʼ cabayena. Ar am khoboram lạgitʼ eken iń eskargeń sarecʼ akana.”

Jobakʼ 2:12

Onko do sạṅgiń khon bako orom daṛeadea. Onate onko do ãṭ aṛaṅte rarakʼko ehopʼena ar apnarakʼ kicricʼko oṛecʼketʼte bohokʼ cetante dhuṛiko uḍiyạukeda.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.