Jobakʼ 1:17 - সান্তালী বাইবেল

¹⁷ Dosaricʼ hoṛ do unhõ kathae roroṛkan tahẽkanrege ar mitʼ hoṛ do hecʼkateye khobore lạikeda, “Kolodiạko do pe hạṭińte hạṭińkate amren ũṭkoko idiketʼkoa. Onko do amren gutikoko gocʼketʼkoa. Ar am khoboram lạgitʼ eken iń eskargeń paskao akana.”

Jobakʼ 1:17 Referans Kwoze

Genesis 11:28

Haran do acʼren apat jiwetʼe tahẽkanre acʼakʼ janam ato Kạldikoakʼ disạmre Ur nagrahareye gocʼlena.

Habakkuk 1:6

Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jobakʼ 1:15

Unre Sibayiko do luluṭ hecʼkate onkoko idiketʼkoa. Ar amren gutiko doko gocʼketʼkoa. Am khoboram lạgitʼ eken iń eskargeń paskao hecʼ akana.”

2 Samuel 1:3

Dạud do uniye kulikedea, “Am do oka khonem hecʼakana?” Uni doe menkeda, “Iń do Israelkoakʼ ḍera khoniń ńir paskao hecʼakana.”

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Jobakʼ 1:18

Tesaricʼ hoṛ do unhõ kathae roroṛkan tahẽkanrege ar mitʼ hoṛ do hecʼkateye menkeda, “Amren hopon ar hoponerako do akoren maraṅicʼ boehawakʼ oṛakʼreko jom-ńũiyetʼ tahẽkana.

Jeheskel 23:23

Onko do Babelrenko, sanam Kaldiko, Pekod, Soya ar Koa ar onko sãote sanam Ạsurren hoṛko. Onko do jotogeko napae juạn kanako; ar jotoge disạm cakʼlaoko, subedarko, rãt gạḍi cakʼlaoko, cetan hudạren kạmiyạko ar aswariko tahẽkana.