Jirimiạ 9:4 - সান্তালী বাইবেল

⁴ Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Jirimiạ 9:4 Referans Kwoze

Jirimiạ 6:28

Onko do jotoge huhulko kanako; onko do okta cintại lạgitʼko dãṛãbaṛaea. Onko do pitạl ar mẽṛhẽtʼ lekan kanako; ar jotogeko kharap caba akana.

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Levitikus 19:16

Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

Jirimiạ 12:6

Amren boehako, metakʼme am bõsren hoṛ do bepạtiạrko hoyakana; onko hõ am tayomreko lagao akana. Am reaṅ bhageakʼ kathako roṛlere hõ onko do alom pạtiạuakoa.

Kạhtukko 25:18

Okoe hoṛ acʼ aḍepaseren hoṛko upạrte eṛe gohae em uni do lạṛhại mutạk, tarwaṛe ar laser sar lekanae.

Kạhtukko 10:18

Kurude okoyetʼ kan hoṛ do eṛe kathae roṛa; ar bebuj hoṛ do bodname gahaoa baṛaea.

Sereńko 15:3

Uni do eṭakʼko bae nisṛạukoa, acʼren gatekoakʼ hõ bae khutiytakoa, ar aḍepaseren hoṛkoakʼ bodnam hõ bae roṛa,

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Luk 21:16

Aperen gogo-baba, boehako, gateko ar peṛa pạrbhạko do apeko sapʼocopea. Ar ape modre adomko doko gocʼ ocokoa.

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Jeheskel 22:9

Am talare nonkan hoṛ menakʼkoa okoe do eṭakʼkoakʼ bodnamko lại baṛaete onkoakʼ mãyãmko joro ocoyetʼkan, buru cetan than boṭkocʼreko jom-ńũiyetʼkan ar kharap kharapakʼko kạmikan.

Kạhtukko 6:19

eṛe roṛ ar eṛe goha emokʼicʼ, ar boehako talare gulmale ehopʼkan hoṛ.

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

Sereńko 101:5

Okoe danaṅre eṭakʼkoakʼko oktayetʼkan onko doń marao giḍikoa; bạḍại mẽtʼan ar dhomok monankoakʼ hõ bạń sahaotakoa.

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Jirimiạ 9:8

Onkoakʼ alaṅ do gogocʼakʼ sar leka; ona do phạsiạra kathageko roṛa. Onko do mocate aḍepaserenko tulucʼ sebel sebel kathako galmaraoa menkhan ontorre do uni upạrte jhãmpako oḍaoeda.

Malaki 2:10

Abo sanamkoren baba do cetʼ uni mitʼ babageye baṅkana? Mitʼṭen Isorge cetʼ abo do bae sirjạu akatʼbona? Enḍekhan cedakʼ mitʼ hoṛ do armitʼ hoṛ sãote bin pạtiạr bon hoyokʼkante aboren hapṛamko lạgitʼ doho akan bondobos bon bemanotetʼ kana?

Kạhtukko 4:16

Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa; ar jãhãe bako tạkicʼ ocoleko khan mẽtʼ hõ baṅ jạpidokʼtakoa.

Kạhtukko 4:17

Phạsiạratetʼ do onkoakʼ jomakʼ ar santao do onkoakʼ ńũńũakʼ kana.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.