Jirimiạ 9:13 - সান্তালী বাইবেল

¹³ Probhu Isore meneda, “Ona reakʼ karon do hoyokʼkana, iń okaṭakʼ ạn-ạriń emakatʼko ona doko bạgi akawada; onko do ińakʼ aṛaṅ bako ańjomleda ar ona leka bako taṛamleda.

Jirimiạ 9:13 Referans Kwoze

2 Bõsbudạ 7:19

“Menkhan ińakʼ hor khonpe pharakokʼ ar okako niạm ar hukumkoń emakawatʼpe onape bạgiyakʼte debotakope sewawako arpe ḍobokʼako,

Jirimiạ 22:9

Unre onkoko roṛ ruạṛa, ‘ona reakʼ karon do hoyokʼkana onko do Probhu Isorakʼ bondobosko bạgi akada ar debotakoko sewawako kan tahẽkana.’ ”

Esra 9:10

“Menkhan ńitokʼ do, E aleren Isor, niạ tayom ale do cetʼ jãhãnakʼle mendaṛekea? Am do amren nạbiko hotete okako hukumem em akatʼle ona dole bạgi akawada. Am dom menleda, ‘okaṭakʼ disạm ạidạri lạgitʼpe calakʼkan ona do onḍenko hoṛkoakʼ besapha iạte bhõnḍ akana. Onkoakʼ hirkhạwanakʼ kạmi iạte onko do disạm reakʼ mitʼ simạ khon eṭakʼ simạ hạbicʼ besaphawakʼteko perecʼ akada.

Kạhtukko 28:4

Okoe Probhu Isorakʼ ạnko bạgi giḍiyakʼkan onko do bạṛicʼ hoṛko sarhaokoa, menkhan okoe onako manaoetʼkan onko do bạṛicʼko upạrteko teṅgona.

Sereńko 119:53

Bạṛicʼ hoṛkoakʼ bạṛicʼtetʼ ńelte ạḍitetʼ iń raṅgaokʼ kana, onko do amakʼ hukumko bạgi akada.

Jirimiạ 5:19

Tinre hoṛko kulimea, ‘aboren Probhu Isor do abore cedakʼ nonkae kạmikeda?’ Unre onkom metakoa, ‘cetʼleka iń bạgikate apeakʼ disạmre debotakope sewawako kan onkage okaṭakʼ disạm apeakʼ baṅkan ona disạmre senkate ńit ape do bidisiạkope sapʼsorakoa.’ ”

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Jirimiạ 13:10

Noko bạṛicʼ jạtren hoṛko, okoe do ińakʼ katha ańjom bako moneyakʼkan ar onkoakʼ mon reakʼ kạṭhuạtetʼreko taṛametʼ ar eṭakʼ Isorko sewako arko ḍobokʼakokan onko do noa jhaṅga lekageko okạjwạ ocokʼa.