Jirimiạ 9:11 - সান্তালী বাইবেল

¹¹ Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 9:11 Referans Kwoze

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jirimiạ 51:37

Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.

Jirimiạ 10:22

Ańjompe, khobor hijukʼkana! Jihudạ reakʼ nagrahako do ujạṛokʼa ar toyokoakʼ tahen ṭhạ̃i hoeocoy lạgitʼ utạr disạm khon gulmal reakʼ sabad hijukʼ kana.

Jesaea 34:13

Ona doṅgolre do jạnum jhonḍako hara rakapʼa, seṅgel siń ar rạigạini do ona reakʼ gaṛkore. Ona disạm do toyokoakʼ dander ar ũṭ cẽṛẽkoakʼ tahen jaega hoyokʼa.

Jesaea 13:22

Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Rak̕joṅ 3:47

Ale do toras, jhãmpa, dhaṅdhaser ar jarkharge hecʼ akatʼlea. ”

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 25:11

Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.

Sereńko 79:1

E Isor, eṭakʼ jạtrenko do amakʼ sompottiko hat akada, ar onko do onḍeko bolo akana; amakʼ sonot oṛakʼko bhõnḍ akada; ar Jerusalem do maraokʼ reakʼ dhiri puńjirko hoyoco akada.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Mikạ 1:6

Ona iạte Probhu Isore meneda, “Samariạ do khola ṭạnḍi reakʼ ḍipigeń hoeocoya, ar ona do darkha nạ̃ṛĩ rohoe reakʼ ṭhạ̃ige hoyokʼa. Ona reakʼ dhiriko do lodamreń giḍikakʼa ar ona reakʼ rehetʼ doń oṭakʼ dohokakʼa.

Jirimiạ 26:9

Cedakʼ am do Probhu Isor ńutumte nonkam nạbi akada, “Baṅma noa oṛakʼ do Silo leka hoyokʼa ar nagraha do ḍahao maraokʼte ujạṛokʼa?” Noa menkate sanam hoṛ do Probhu Isorakʼ oṛakʼre Jirimiạko esetʼ ạcurkedea.

Jirimiạ 25:18

Iń do Jerusalem ar Jihudạ reakʼ nagrahako ar onaren rapajko ar rajkạmiyạkoń ńũ ocoketʼkoa, jemon teheń cetʼ leka menakʼko onkage jarkharakʼ, ujạṛakʼ, cigạri ar sarapan hoṛko hoyokʼ.

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Nehemiạ 4:2

Uni do acʼ sãoten hoṛko ar Samariạren lạṛhại phạdko samaṅreye menkeda, “Noko nijor Jihudiko do cetʼko cekayeda? Noko do cetʼ arhõ benao ruạṛ lạgitʼko muruk akada? Isorakʼ goṛo ńam lạgitʼ cetʼ janwarkoko samaṅkoa? Onko do cetʼ mitʼ dintegeko sạta? Jobra ḍạṅ khon cetʼ jiwetʼ dhiriko oḍok ocoya? Onako ma rapakʼ roṅgo akan coṅ!”

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Levitikus 26:32

Apeakʼ disạm do nonkań jarkhara ona ńelte aperen bạiriko hõ botorteko keklesedokʼa.

Sereńko 44:19

Menkhan am do enhõ nonkan mitʼ jaegare alem rạputʼ caba akatʼlea one okare toyokoakʼ ḍerakan; ar ale do kaṛaṅ ńutrem esetʼ ạcur akatʼlea.

Jirimiạ 1:15

Iń do utạr reakʼ rajosṭiren sanam jạtrenkoń hohoako kana.” Ar rapajko do hecʼkate Jerusalem reakʼ phaṭok duạrko reakʼ bolokʼ horre akoakʼ siṅghạsonko bạisạua. Ar onko do ona beṛhaeteakʼ pạcri ar Jihudạ reakʼ sanam nagrahako esetʼ ạcura.

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Jirimiạ 44:2

“Israelren phạdkoren Probhu Isorgeń menetʼkana, iń do Jerusalem ar Jihudạ reakʼ sanam atoko ar nagrahako cetanre oka muhin iń ạguletʼ ona dope ńelakatʼgea. Onako do teheń dhaṅdhaser akange menakʼa; onḍe do celehõ bako girobasokʼ kana.

Jirimiạ 49:33

Hasor do toyokoakʼ tahen reakʼ ṭhạ̃i ar jaejug ujạṛakʼge hoyokʼa. Onḍe do okoe hõ bako girobasokʼa, ar cele manwage onare do bako tahena.”

Jirimiạ 50:3

Utạr khon mitʼ jạtrenko do uni upạrteko hijukʼa ar uniyakʼ disạm do ujạṛakʼko hoeocoya. Okoe hõ onare do bako girobasokʼa; manwa hõ ar janwar hõko dạṛjoṅa.

Rak̕joṅ 1:4

Sion reakʼ kulhiko doe homor halaṅeda, ente niṭ akatʼ porobre okoehõ bako hijukʼkana. Uniyakʼ sanam phaṭok duạrte bolokʼ hor do khạligea. Uniren naekeko doko jare jarekʼ kana, ar juạn kuṛiko doko dukokʼ kana, onate uni do monre ạḍi duke ńameda.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

Sereńko 107:43

Okoeye ạkilan hoṛkan uni do ona reaṅe moneyakʼma ar Probhu Isorakʼ asambheṛ dulạṛ reaṅ hõ mońjteye hetawakʼma.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Jirimiạ 16:10

“Noko hoṛko niạko katham jạhirako tayom tinre amko kulimea, ‘Cetʼ iạte Probhu Isor do ale upạrte nonkan muhin reakʼ kathae roṛeda? Ar aleakʼ ghạṭ do cetʼ kantalea? Aboren Probhu Isor upạrte ale do cetʼle kại akada?’