Jirimiạ 8:6 - সান্তালী বাইবেল

⁶ Iń do mone lagaokateń ańjomakada, onko do ṭhikakʼ katha bako roṛeda. Bạṛicʼakʼko khon mon ạcurkate okoehõ bako meneda, ‘hae, cetʼ iń cekakeda!” Sadom cetʼ leka lạṛhạireye ńir bolokʼkan onkage onko do apan ạpin horteko calakʼkana.

Jirimiạ 8:6 Referans Kwoze

Sereńko 14:2

Probhu Isor do serma khon latarte manwa secʼe beṅgetʼkeda, ar ńeljoṅe menana sạriyakʼ reakʼ ạkilte jãhãeko taṛameda se baṅa, ar Isorakʼ sana leka jãhãeko kạmikana se baṅa.

Jeheskel 18:28

Uni do acʼakʼ behok reakʼ katha hudiskate ona khone ruạṛ akante khạṭigeye bańcaokʼa, ar bae gujukʼa.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

Hagae 1:7

Onate ape okalekape calakʼkan ona do mońjte hudiskate ńelpe.

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jobakʼ 10:2

E Isor, iń do alom bicạr dusiyińạ menkhan iń upạrte oka khanḍa khạnḍi menakʼtam ona baḍae ocoyińme.

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jobakʼ 34:31

“Jãhãe hoṛge Isor do bako men akawadea, ‘iń do sạjạiyiń ńamakada, ar bạń behoka;

Jobakʼ 34:32

Iń oka bạń ńel orometʼ ona cetʼạńme; ariń behokʼ akatʼ khan, ona do ar bạń onkaea.’

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jirimiạ 3:5

am do cetʼ jao oktege edre akanem tahena? Amakʼ edre do cetʼ jaejug hạbicʼ tahentama?’ Am do onkagem men akada, menkhan daṛeakʼ bhor bạṛicʼakʼgem kạmi akada.”

Daniel 9:11

Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.

Sephaniạ 3:7

Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.