Jirimiạ 7:34 - সান্তালী বাইবেল

³⁴ Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Jirimiạ 7:34 Referans Kwoze

Johan sodor 18:23

Amre diuhe reakʼ marsal do tishõ baṅ jolokʼa. Jãwãe beṭa ar bạhu kuṛiyakʼ aṛaṅ amre ar tishõ baṅ ańjomokʼa. Amren bạnij bepariko do dhạrtire joto khon napṛakʼko tahẽkana, ar sanam jạtrenko do amakʼ jạduteko bulạulena.

Hosea 2:11

Iń do uniyakʼ joto rạskạ reakʼ porob, molokʼ candoko, jirạukʼ mãhãko metakʼme uniyakʼ niṭ akatʼakʼ sanam porobkoń caba utạrtaea.

Jeheskel 26:13

Iń do amakʼ sereń reakʼ arãṛiń thir ocoytama; binạ banam reakʼ saḍe hõ ar do baṅ ańjomokʼa.

Jirimiạ 25:10

Onko tala khon rạskạ ar hulạs reakʼ aṛaṅ, jãwãe ar bạhu kuṛiyakʼ aṛaṅ, jante reakʼ saḍe ar diuhe reakʼ marsal doń sạṅgiń giḍikakʼa.

Jirimiạ 16:9

ente iń Israelkoren Isor sanam daṛeanicʼ Probhugeń meneda, iń do niạ ṭhạ̃irege hoṛkoakʼ mẽtʼãhã samaṅre onkoakʼ rạskạ ar hulạs reakʼ aṛaṅiń cabaetakoa ar jãwãe koṛa ar bạhu kuṛiyakʼ aṛaṅ hõń bond ocoya.

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jirimiạ 33:10

“Ape do niạ ṭhạ̃i reaṅpe meneda, ‘noa do ujạṛ akana; nonḍe do manwa se janwar hõ bạnukʼkoa.’ Menkhan Jihudạ reakʼ okako nagraha ar Jerusalem reakʼ okako ḍahar do ujạṛge menakʼ, one okare manwa se janwar hõ bako tahenkan onḍe do arhõ rạskạ ar hulạs reakʼ aṛaṅ ańjomokʼa ar jãwãe koṛa ar bạhu kuṛiyakʼ aṛaṅ hõ ańjomokʼa; ar okoe Probhu Isorakʼ oṛakʼre gun manao reakʼ samaṅokʼakʼko ạgui onkoakʼ aṛaṅ hõ ańjomokʼtakoa. Onko doko mena, ‘phạdkoren Probhu Isor sarhaoepe, ente Probhu Isor doe bhagegea, ar uniyakʼ daya do jaejug hạbicʼ tahẽakae tahenkana.’ Iń do lahate lekage niạ disạm reakʼ dosań ạgu ruạṛa.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Sereńko 78:63

Seṅgelte onkoren juạnkoe gocʼketʼkoa; ar onkoren kũạ̃ri kuṛiko lạgitʼ bapla sereń do baṅ hoylena.

Jirimiạ 22:6

Jihudạ raj oṛakʼ reakʼ sanam ṭhạ̃i reaṅ Probhu Isore meneda, “Am do iń ṭhen Gileadrenko leka ar Lebanon reakʼ buru muthni leka kanrehõm khạṭige am do hahaṅkar ṭoṭha reakʼ ujạṛakʼ nagraha lekań hoyocomea.

Jirimiạ 27:17

Onkoakʼ katha do alogepe ańjoma. Ape do Babelren raj sapʼsoraepe, enḍekhan ape dope bańcaokʼa. Noa nagraha do cedakʼ jarkharokʼa?

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Rak̕joṅ 5:14

Nagraha reakʼ phaṭok duạr ṭhen murubbiko do ar bako duṛupʼ kana; Juạnko hõ ar bako sereń durạṅeda.

Jobakʼ 3:7

Ona ńindạ do bạńjhige baṛe hoyokʼma, rạskạ reakʼ cetʼ sereńge onare alo ańjomokʼma.

Jirimiạ 4:26

Beṅgetʼkateń ńelkeda Probhu Isor samaṅre, uniyakʼ botoranakʼ edre samaṅre disạm do hahaṅkar hoyakana; uniyakʼ sanam nagrahako do dhaṅ dhaser akana.

Jeheskel 7:11

Santao reakʼ ṭheṅgatege bedhoromkoakʼ sạjại do emogokʼa. Onkoakʼ lekha do ḍhergere hõ celege bako tahena, onkoakʼ dhon-durib se ṭhonok cetʼge baṅ tahentakoa.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.