Jirimiạ 7:27 - সান্তালী বাইবেল

²⁷ “Am do noako katham galmaraoakore onko do amakʼ katha bako ańjomtama; arem hohoakore hõ onko do bako goṅama.

Jirimiạ 7:27 Referans Kwoze

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Aposkạmi 20:27

ente Isor okae khojkan ona baḍae ocope do tishõ bạń pạc akana.

Jirimiạ 1:19

Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”