Jirimiạ 7:19 - সান্তালী বাইবেল

¹⁹ Menkhan noako kạmikate cetʼ ińko duk ocoyedeń kana?” Onko do akotege lajaoko ạgujoṅkana ar apnartetʼko dukokʼkana.”

Jirimiạ 7:19 Referans Kwoze

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jesaea 45:16

Ar okoe goṛhon muṭhạnko benaoetʼkan onko do jotoge lajao arko andmandaokʼa; ar mitʼteko akbakaokʼa.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Jobakʼ 35:6

Amem kại lekhan Isorakʼ do cetʼ jãhãnakʼ hoyokʼtaea? Amakʼ ghạṭko ḍherlenre hõ uniyakʼ baṅ cetʼ cekakʼtae?

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.

Dosar Biboron 32:16

Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Jirimiạ 15:9

Eae goṭen hoponkoren eṅgat do lajao ar opoman dosaregeye gujukʼa. Okte ạurirege uniyakʼ jion reakʼ siń cando doe hạsurokʼa. Ar okoe jiwetʼko tahen onko hõ tarwaṛe samaṅreń ạgukoa. Iń Probhu Isorge noa katha doń menetʼkana.”

Jirimiạ 22:22

Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.

Jirimiạ 25:7

“Ńitokʼ Probhu Isor doe meneda, ‘menkhan ape do ińakʼ katha bape ańjomletʼtińạ. Ar ona bodolte apeakʼ tite benaoakʼ jiniskote iń edre ocoakadińte apnar cetanre muhinpe ạguakawana.’

Jirimiạ 44:3

Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.

Jeheskel 16:26

Amren sor peṛa Misorrenko sãote hõm lạṭghaṭ akada ar amakʼ loṭghuṭi reakʼ kạmim ḍher idiyetʼte ińem khĩs ocoakadińạ.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”