Jirimiạ 7:15 - সান্তালী বাইবেল

¹⁵ Iń do aperen boehako lạgitʼ, metakʼme Ephrayimren hoṛkore cetʼ iń cekaletʼ onkage ape hõ iń samaṅ khoniń ṭhelao giḍikapea.”

Jirimiạ 7:15 Referans Kwoze

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Jirimiạ 52:3

Jerusalem ar Jihudạren hoṛko iạte Probhu Isor do edreteye jaljalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Jirimiạ 23:39

enḍekhan khạṭigiń uṭhạupea ar iń samaṅ khoniń giḍikapea ar okaṭakʼ nagraha do ape ar aperen hapṛamkoń ematʼko tahẽkan ona nagraha hõ iń samaṅ khoniń lebda giḍikakʼa.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

2 Bõsbudạ 15:9

Ona tayom uni do Jihudạ ar Benjạinren sanam hoṛko ar Ephrayim, Manase ar Simeon ṭoṭhakoren okoeko hoṛ do onko talareko girobasokʼ kan tahẽkan onkoe jarwa mitʼketʼkoa. Ar Probhu Isor do Asa sãote menaea menteko ńelketʼ khan Israelren ḍher hoṛgeko uni secʼena.

2 Rapajko 24:20

Jerusalem ar Jihudạren hoṛko iạte Probhu Isor do edreteye jal jalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

Numeri 1:32

Josephren hoponko talare Ephrayem bõsrenko modren okoekoakʼ umer do bargel se ona khon ḍher, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.

Sereńko 51:11

Am samaṅ khon alom pharak giḍikạńạ; iń khon amren sonot Jiu do alom idiyea.

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Jeheskel 23:31

Am do amren boeham kuṛiyakʼ hortegem sen akana; onate uniyakʼ bạṭi do amakʼ tireń calam kana.

Hosea 7:13

Hae onko do, ente onko do iń ṭhen khon bạṛicʼ horteko calao akana. Onko do sorbonas hoyokʼtako ma, ente iń upạrteko hul akada. Onko chaḍaokoń khojkangea menkhan onko do iń upạrte eṛe kathako roṛeda.

Hosea 9:13

Ephrayim do Tur reakʼ rosaṛ jaegare rohoe akaniń ńel akadea. Menkhan Ephrayim do acʼren gidrạko gogocʼicʼ ṭhen idiko hoyokʼtaea.”

Jona 2:4

Iń doń menkeda, ‘amakʼ mẽtʼãhã samaṅ khon sạṅgińteń idi ocoakana; enhõ iń do amakʼ ona sonot oṛakʼ secʼ arhõń beṅgetʼ rakaba.’

Jirimiạ 23:33

Probhu Isor do ińe metadińạ, “Noko hoṛ se jãhãe nạbi se naekeko tinre amko kulimea, ‘Probhu Isorakʼ katha do cetʼ kana mente?’ Unre onkom lạiyakoa, Probhu Isore meneda, ‘ape do ińren bojhako kanape ar iń doń giḍikapegea.’

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?