Jirimiạ 7:12 - সান্তালী বাইবেল

¹² “Ape do ńitokʼ Silore one ińakʼ tahen oṛakʼ okare pạhilteń hoyocoletʼ onḍe calakʼpe ar ińren hoṛ Israelkoakʼ bạṛicʼakʼ khạtirte onare cetʼ iń cekaletʼ ona ńel ạguiype.

Jirimiạ 7:12 Referans Kwoze

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

1 Samuel 4:22

Uni doe menkeda, “Israelkoakʼ ṭhonok do calaoena, ente Isorakʼ sinduk do bạirikoakʼ tire calaoena.”

Bikʼcạrko 18:31

Silore tinạkʼ din Isorakʼ oṛakʼ tahẽkan unạkʼ din hạbicʼ Dan gusṭiren hoṛko do Mikạren goṛhon muṭhạn do ako ṭhenko dohokada.

1 Samuel 1:3

Elkana do jao bochor acʼakʼ nagraha khon Siloteye calakʼkan tahẽkana. Uni do onḍe senkate sanam daṛeanicʼ Probhu Isor sewawae ar uni ńutumte janwarkoe samaṅetʼko tahẽkana. Unre onḍe do naeke Eliaserren banar hopon Probhu Isorren naeke kin tahẽkana. Unkinakʼ ńutum do Hopni ar Pinehas tahẽkana.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Josuạ 18:10

Josuạ do Silore Probhu Isor samaṅre Israelko lạgitʼe gulibãṭkeda ar onkoakʼ gusṭi lekate disạm do onḍeye hạṭińatʼkoa.

Jirimiạ 7:14

Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.