Jirimiạ 6:8 - সান্তালী বাইবেল

⁸ E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”

Jirimiạ 6:8 Referans Kwoze

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.

Jeheskel 23:18

Uni do tinre khulạsate loṭghuṭiye ehopʼkeda ar acʼakʼ uluṅtetʼe sodorkeda unre iń do uniń hirkhạwadea, cetʼleka acʼren boeha kuṛiń hirkhạwade tahẽkan.

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.

Sephaniạ 3:7

Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Sereńko 50:17

Am ma ińakʼ ḍanṭaoem hirkhạwakʼ kan ar ińakʼ katha ma bam moneyakʼkan.

Jirimiạ 31:19

Iń do bạṛicʼ horte sen tayom kastaokateń ruạṛ hecʼena, bujhạu ńamkate koṛamiń ceṭakʼena. Iń do lajao ariń opoman ocoyena, ente ińakʼ juạn umer reakʼ kại iạtegeń opoman ocoyena.’

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Kạhtukko 4:13

Solha sapʼ dohoyme, alom bạgiyakʼa; ona rukhiyạime, ente onage amakʼ jion kana.

Sereńko 94:12

E Probhu Isor, uni hoṛ doe bhạgangea okoe dom ḍanṭaoede ar amakʼ ạn ạrikom cetʼaekan.

Sereńko 2:10

Onate E rapajko, ńitokʼ do bujsuj salakʼ calakʼpe; Dhạrtiren disạm cakʼlaoko, ape do sontorokʼpe.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Levitikus 26:34

“Tinre aperen bạirikoakʼ disạmrepe tahena unre jarkhar akan apeakʼ disạm do jirạukʼ bochor reakʼ suke joma. Hẽ unre apeakʼ disạm do jirạue ńama ar acʼakʼ jirạukʼ bochor reakʼ suke joma.

Jirimiạ 7:28

Onate onkom metakoa, ‘ape do onko jạtrenko kanape, okoe do Probhu Isorakʼ sana leka bako senlen ar uniye sudhrạuletʼkore hõ bako hetaoatʼtaea. Sạriyakʼ do cabayena; ar ona do onkoakʼ moca khon getʼ gidiyena.’ ”

Kạhtukko 19:20

Solha moneyakʼme, ar ḍanṭao manaome; tayomte am do ạkilanicʼ em hoyokʼa.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’