Jirimiạ 6:29 - সান্তালী বাইবেল

²⁹ Seṅgelte sisạ jeredokʼ lạgitʼ cạpwạ do ạḍitetʼ hoeye emokʼkana; menkhan ạuṛiyakʼgeko galao saphakʼkana, ente bạṛicʼko do bako ocokʼ giḍikʼkana.

Jirimiạ 6:29 Referans Kwoze

1 Patras 4:12

E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Hosea 11:7

Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jirimiạ 9:7

Ona iạte phạdkoren Probhu Isore meneda, “Ńelpe, onko doń galaokoa ariń biḍạu aṭkarkoa, ente ińren hoṛko onka akatʼ iạte ar cetʼ iń ceka daṛeakʼa?

Jesaea 49:4

Menkhan ińiń menkeda, “Iń do nahakgeń khaṭao akana; ạuṛiyakʼ ar michạge ińakʼ daṛekoń khoroc akatʼtińạ. Enhõ ińakʼ paona do Probhuakʼ tirege menakʼa, ar ińakʼ kuṛại do Isor ṭhenge.

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Bikʼcạrko 17:4

Mikạ do ona rupạ eṅgattetʼe ruạṛade khan uniren eṅgattetʼ do bar keji tala rupạ hataokate sonhare emadea. Ar uni do mitʼṭen goṛhon muṭhạn ar chãńcre dulicʼ ar mitʼṭen muṭhạne benao ocokeda, ar unkin banar muṭhạnge Mikạwakʼ oṛakʼreye dohokatʼkinạ.

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Jeheskel 24:12

Menkhan sanamakʼ kurumuṭuge eṛeteakʼ hoyakana; ona reakʼ dạriạ icʼ do baṅ cabakʼkana ar icʼtetʼ hõ seṅgelte baṅ caba akana.