Jirimiạ 6:24 - সান্তালী বাইবেল

²⁴ Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Jirimiạ 6:24 Referans Kwoze

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.

Jirimiạ 49:24

Damesek doe lạbṛukʼ akana, uni do dạṛ lạgitʼe ruạṛ akana ar botor caṛhao akadea; bedonokʼkan maejiu leka bedon rakapʼ akawadea.

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jirimiạ 30:6

Ape do kulijoṅpe ar ńelpe, herel hoṛ do cetʼ kukhire gidrại janam daṛekea? Enḍekhan cetʼ iạte daṛean herel hoṛ do bedonokʼkan maejiu leka lacʼ cetanre ti capo akan ar sanamkoakʼ mẽtʼãhã do mulin akaniń ńeletʼkana?

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jesaea 28:19

Ar tinạkʼ dhao ona pheḍ hijukʼa unạkʼ dhaogepe dal ocokʼa; aṅga marsalokʼ khon setakʼ hạbicʼ, siń ar ńindạ ona do kajakte pheḍ hijukʼa. Niạ kathape bujhạule khan torasge hoyokʼtapea.”

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Jirimiạ 22:23

E Lebanon reakʼ debdạru kaṭte benaoakʼ oṛakʼren tahen kạnicʼ, maejiu hoṛakʼ bedon leka tinre haso rakapʼama unre am dom geraṅa!”

Sereńko 48:6

Botorte onko do onḍeko thar tharaoena ar bedonte gidrại janamede kan maejiu lekako hoyena.

Daniel 5:9

Unre Beltsasar raj do arhõ botor caṛhaoadea ar uniyakʼ mẽtʼãhã do mirluṅentaea. Ar uniren mukhiyạko hõko as basaoena.

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jeheskel 7:17

Mimitʼkoakʼ ti do lạbṛujokʼtakoa ar mitʼke mitʼ gunṭhi do nijorokʼa.