Jirimiạ 6:19 - সান্তালী বাইবেল

¹⁹ E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jirimiạ 6:19 Referans Kwoze

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Aposkạmi 8:22

Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Mikạ 6:2

E buru-ḍuṅgriko, ape do Probhu Isorakʼ aroj ańjompe; E dhạrti reakʼ jaejug rehetʼko apehõ ańjompe. Noa reakʼ karon do uniren hoṛko upạrte Probhu Isorakʼ mementeakʼ menakʼtaea; uni do Israelko upạrte mitʼṭecʼe mambla akada.

Hosea 10:13

Menkhan ape do dusṭạmigepe laṭkao akawana, ar bạṛicʼakʼ reakʼ phosolpe getʼ akada ar eṛeteakʼ jo hõpe jom akada. Ape do apeakʼ daṛe ar ḍher lạṛhạiko cetanrepe bhorsa akana;

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Jirimiạ 22:29

E disạm, E disạm, E disạm, am do Probhu Isorakʼ katha ańjome.

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Kạhtukko 15:26

Probhu Isor do bạṛicʼ monsubạkoe hirkhạwakʼ kana, menkhan bhạlại reakʼ kathako do uniyakʼ mẽtʼre khạṭigea.

1 Samuel 15:26

Menkhan Sạmuel do uniye metadea, “Am sãote do bạń calakʼa. Am do Probhu Isorakʼ hukumem bebatao akatʼte Probhu hõ Israelkoren raj lekateye nihạ̃t giḍi akatʼmea.”

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jirimiạ 6:18

Onate E jạt jạtrenko, ańjompe; ińren hoṛkoakʼ oka hoyokʼ ona ạribạndhipe.

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.

Jirimiạ 29:19

Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.

Jirimiạ 49:37

Ar okoe onko gocʼko reakʼko monejoṅ onko bạiriko samaṅrege iń do Elamrenkoń dhaṅdhaserkoa; ińakʼ jolokʼkan edre do onko cetanreń paṛao ocoya. Ar ạuriko cabakʼ hạbicʼ onko upạrte tarwaṛeń kola.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.

Mikạ 1:2

E jạt jạtrenko, ape sanamkoge ińakʼ luturakʼtińpe; E dhạrti ar onare menakʼ sanamakʼko ańjompe! Probhu Isor do acʼakʼ sonot oṛakʼ khon ape upạrte gohae ema.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jirimiạ 4:16

Jạt jạtrenko ṭhen ar Jerusalemrenko ṭhen niạ katha jạhirpe, “Gherao ekʼsetʼ lạgitʼ lạṛhại phạdko do sạṅgiń disạm khonko hijukʼkana; onko do Jihudạ reakʼ nagrahako upạrte lạṛhại lạgitʼko hohoyetʼkana.

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Daniel 9:11

Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.