Jirimiạ 6:17 - সান্তালী বাইবেল

¹⁷ Ape cetanre pahradarko bahalkateń metatʼkoa, ‘sakwa reakʼ saḍe moneyakʼpe.’ Menkhan apepe meneda, ‘ale do bale moneyakʼa.’

Jirimiạ 6:17 Referans Kwoze

Jirimiạ 25:4

“Probhu Isor do acʼren sanam gutiko, metakʼme nạbiko jaoge ape ṭhene kolletʼkore hõ ape do bape ańjomletʼtakoa ar mone hõ bape moneyada.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Jesaea 21:11

Duma, metakʼme Edom upạrte nạbi katha do nonka: Seyir khon okoe coṅ hohoateye mitạńkana, “E hohorhoyicʼ, tinạkʼ ńindạ akana? E hohorhoyicʼ, tinạkʼ ńindạ akana?”

Habakkuk 2:1

Iń do ińakʼ pahra ṭhạ̃ireń teṅgona, ar pạcri cetanreń dejokʼa; ar uni cetʼe mitạńa ar ińakʼ lạlis reakʼ cetʼe roṛ ruạṛạńa ona lạgitʼ iń koyokʼ hora.

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

Jirimiạ 6:18

Onate E jạt jạtrenko, ańjompe; ińren hoṛkoakʼ oka hoyokʼ ona ạribạndhipe.

Jirimiạ 7:28

Onate onkom metakoa, ‘ape do onko jạtrenko kanape, okoe do Probhu Isorakʼ sana leka bako senlen ar uniye sudhrạuletʼkore hõ bako hetaoatʼtaea. Sạriyakʼ do cabayena; ar ona do onkoakʼ moca khon getʼ gidiyena.’ ”

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jirimiạ 18:12

Menkhan onko doko roṛ ruạṛkeda, ‘jãhãn labge bạnukʼa. Ale do aleakʼ bundisakʼko leka gele calakʼa; ale mimitʼko do aleakʼ bạṛicʼ mon reakʼ kạṭhuạtetʼ lekagele kạmiya.’ ”

Jeheskel 3:7

Menkhan Israelko do amakʼ katha bako ańjomtama, ente onko do ińakʼ katha ańjom lạgitʼ bako rebena; noa reakʼ karon do hoyokʼ kana, goṭa Israel jạtren hoṛ do kạṭhuạ ar keṭecʼ monan kanako.