Biblia Todo Logo
Bib sou entènèt

- Piblisite -




Jirimiạ 52:27 - সান্তালী বাইবেল

27 Ar raj do Hamat disạm reakʼ Riblare noko sanam hoṛkoe gocʼketʼkoa. Nonkate Jihudạren hoṛko bondikate apnarakʼ disạm khon sạṅgińteko idiocoyena.

Gade chapit la Kopi




Jirimiạ 52:27
28 Referans Kwoze  

E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.


Israel disạm do mitʼṭecʼ ujạṛ utạrakʼ ṭhạ̃igeń hoeocoya; uniyakʼ daṛe reakʼ bạḍạitetʼ do caba utạrokʼtaea ar uniyakʼ buru-ḍuṅgriko do ujạṛ akange tahena, ar onkate do celege bako sen paromokʼa.


Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.


Onko do Sedekiạko bondikedea ar Hamat disạm reakʼ Riblate Babelren raj ṭhenko idikedea ar onḍe do sạjạiye reakʼ hukumko emena.


Menkhan rurukhiyạ dolren subedar Nebusaradan do begor jaega jumiyan thoṛa hoṛ do Jihudạ disạmregeye doho oṭokatʼkoa; ona jokhecʼ uni do darkha bagwan ar thoṛa jumi hõe ematʼkoa.


Ente Probhu Isore meneda, ‘apnar lạgitʼ ar ar amren gateko lạgitʼ mitʼṭecʼ torasgeń hoyocomea. Onko do am ńeńel tulucʼge akoren bạirikoakʼ tarwaṛeteko gocʼ ocokʼa. Iń do goṭa Jihudạ Babelren rajakʼ tireń soprota. Uni do onkoren ḍher hoṛge Babelteye bondi idikoa ar sarecʼ hoṛ do tarwaṛeteye gocʼkoa.


Dhạrti do ujạṛ utạrokʼa, ar purạtege luṭ ocokʼa. Probhu Isor do niạ kathageye meneda.


Ona iạte Probhu Isore menkeda, “Iń samaṅ khon cetʼ leka Israelkoń sạṅgiń giḍiletʼko onkage Jihudạ hõń sạṅgiń giḍikaea, ar okaṭakʼ nagrahań bachaoan tahẽkan Jerusalem ar ona reaṅ iń menletʼ, ‘ińakʼ tahen oṛakʼ hoyokʼa mente’ ona koejoṅ oṛakʼ doń nihạ̃t giḍikakʼa.”


Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.


Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.


Ar Hamatren raj Toi doe ańjomkeda, Dạud do Hadadeserren goṭa lạṛhại phạdkoe bhagao akatʼkoa.


“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.


“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.


enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.


Negeb reakʼ nagrahakote bolokʼ reakʼ hor do bondokʼa ar onḍe do okoehõ bako bolo daṛeakʼa. Jihudạren sanam hoṛ do bondikateko idi ocokʼa, ar sanamgeko idi ocokʼa.’ ”


Ar rurukhiyạ dolren subedar Nebusaradan do unre okoeko nagraharegeko tahẽkan, ar okoe do Babel secʼrenko hoyen ar okoe do disạmre sarecʼko tahẽyen onko bondikate Babelteye idiketʼkoa.


Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”


Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”


Swiv nou:

Piblisite


Piblisite