Jirimiạ 52:17 - সান্তালী বাইবেল

¹⁷ Babelrenko do Probhu Isorakʼ oṛakʼ reakʼ pitạl reakʼ tham khunṭi kin, pitạl reakʼ ganḍoko ar pitạl reakʼ maraṅakʼ luihạ do rạputʼ khanḍa khunḍikate Babelteko idikeda.

Jirimiạ 52:17 Referans Kwoze

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

2 Bõsbudạ 36:18

Babelren raj do Isorakʼ oṛakʼ reakʼ lạṭu kạṭicʼ sanamakʼ jinis ar dhon-durib, raj ar uniren kạmiyạkoakʼ dhonko Babelteye idikeda.

1 Rapajko 7:50

khạṭi sona reakʼ bạṭiko, sultạ saphae reakʼ cimṭạko, bạṭiko, kạ̃ṛchuko ar seṅgel aṅgra dohoy reakʼ celaṅko ar bhitri kandha reakʼ, metakʼme sonot utạrakʼ duạr lạgitʼ ar mundil oṛakʼ reakʼ maraṅ kandha reakʼ duạr lạgitʼ sona reakʼ kobjako.

2 Rapajko 20:17

Probhu Isore meneda, nonkan din hijukʼa tinre amakʼ raj oṛakʼ reakʼ sanamakʼ ar amren hapṛamkoko jogao dohoakatʼte teheń hạbicʼ menakʼ onako jotoge Babelte idi ocokʼa, cetʼge baṅ bạgi oṭokʼa.

Jirimiạ 52:20

Solomon raj do Probhu Isorakʼ oṛakʼ lạgitʼ okaṭakʼ barea tham khunṭi, maraṅ karahe ar ona latar reakʼ gelbar goṭecʼ pitạlren ḍaṅgrako ar okako bhajane benaoletʼ tahẽkan ona reakʼ sanam pitạlko do ojon daṛekokʼ khon hõ ḍherge tahẽkana.

Jeheskel 40:49

Pinḍạ do bargel moka jeleń ar gelmitʼ moka osar tahẽkana. Ar onḍe rakabokʼ reakʼ mitʼṭecʼ siṛhi tahẽkana ar ona banar paya khunṭi samaṅre mitʼṭecʼkate kham khunṭi tahẽkana.