Jirimiạ 52:1 - সান্তালী বাইবেল

¹ Sedekiạ do bargel mitʼ bochor umerre raje hoylena. Uni do Jerusalemre gelmitʼ bochor raje calaokeda. Uniren eṅgatakʼ ńutum do Hamutal tahẽkana; uni do Libna nagraha Jirimiạren hoponerae tahẽkana.

Jirimiạ 52:1 Referans Kwoze

2 Rapajko 24:18

Sedekiạ do bargel mitʼ bochor umerre raje hoylena. Uni do Jerusalemre gelmitʼ bochor raje calaokeda. Uniren eṅgatakʼ ńutum do Hamutal tahẽkana; ar uni do Libna nagraha Jirimiạren hoponerae tahẽkana.

Josuạ 10:29

Josuạ do Israelkoren sanamkoante Makeda khon Libna secʼe laha idiyente onae akromonkeda.

2 Bõsbudạ 36:11

Sedekiạ do bargel mitʼ bochor umerre raje hoylena ar Jerusalemre gelmitʼ bochor raje calaokeda.

2 Rapajko 8:22

Edom do teheń hạbicʼ hõ Jihudạ upạrteko bhiṅgṛạu akana. Ar inạko oktere Lebnarenko hõko hulleda.

Josuạ 15:42

Libna, Ethar, Asan, Ephta, Asna, Netsib, Kiyila, Aksib ar Maresa. Niạ are goṭecʼ nagraha ar ona aḍepase atokoko ńamleda.

2 Rapajko 23:31

Jehoahas do bargel pe bochor umerre Jihudạren raje hoylena. Uni do Jerusalemre pe cando raje calaokeda. Uniren eṅgatakʼ ńutum do Hamutal tahẽkana; uni do Libna nagraharen Jeremiạren hoponerae tahẽkana.

Jesaea 37:8

Rabsake doe ańjomkeda, Ạsurren raj do Lakis bạgikate Libna upạrteye lạṛhại kana. Ona iạte uni hõ onḍeye calaoena.

Jirimiạ 21:1

Tayomte Probhu Isorakʼ katha do Jirimiạ ṭhen sodorena. Ona jokhecʼ Sedekiạ raj do Malkiạ hopon Pashur ar Maseya hopon naeke Sephaniạ do Jirimiạ ṭhen niạ kathakin roṛ gotʼkada,

Jirimiạ 51:59

Jihudạren raj Sedekiạwakʼ rajokʼ ponakʼ bochorre Maseyarren goṛomtetʼ koṛa, metakʼme Neriạ hopon Seray okoe do rajren kạmiyicʼe tahẽkan, uni do tinre raj sãote Babelteye senlena unre Jirimiạ do thoṛa hukume emade tahẽkana.

2 Rapajko 25:1

Sedekiạwakʼ rajokʼ areyakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Uni do nagraha bahrereye ḍerayena ar nagraha beṛhaete pinḍhạkoe benao ạcurkeda.

Jirimiạ 39:1

Jerusalem do nonka leka dokhol hoylena. Jihudạren Sedekiạwakʼ rajokʼ areakʼ bochor reakʼ gelakʼ candore Babelren raj Nebukadnesar do acʼren sanam lạṛhại phạdkoante Jerusalem upạrte hecʼkate nagrahae gherao esetʼkeda.

Habakkuk 1:17

Onko do cetʼ ghane ghạṛicʼge akoakʼ jhạliko ạjạuṛiytakoa ar jạt jạtrenko bin mãyãteko gocʼ idikoa?