Jirimiạ 51:62 - সান্তালী বাইবেল

⁶² Ar ona tayomem mena, ‘E Probhu Isor, am do niạ ṭhạ̃i marao reakʼ katham meneda, onate manwa se janwar okoe hõ celege bako basokʼa; noa do jaejug lạgitʼ ujạṛ akange tahena.’

Jirimiạ 51:62 Referans Kwoze

Jirimiạ 50:13

Probhu Isorakʼ edre iạte okoehõ onare do bako girobasokʼa, ona do ujạṛ utạrakʼ ṭhạ̃ige hoyokʼa. Ar Babel aṛete okoeko parom calakʼ onko jotogeko torasokʼa ar uniyakʼ sanam duk iạteko landa-dhutʼaea.

Jirimiạ 50:3

Utạr khon mitʼ jạtrenko do uni upạrteko hijukʼa ar uniyakʼ disạm do ujạṛakʼko hoeocoya. Okoe hõ onare do bako girobasokʼa; manwa hõ ar janwar hõko dạṛjoṅa.

Jeheskel 35:9

Jaejug lạgitʼ am do ujạṛ utạrakʼ iń hoyocomea; amakʼ nagrahakore do ar celege bako girobasokʼa. Unrem baḍae daṛeakʼa, ińkangeạń Probhu Isor do.

Jirimiạ 51:37

Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 33:12

Noa potit jumi, okare manwa ar janwar celege bạnukʼko, onḍe ar onḍenakʼ sanam nagraha ar atoko do arhõ gukʼpiko ar bhiḍiko lạgitʼ ạtiń ṭạnḍige hoyokʼa.

Jirimiạ 51:43

Uniyakʼ nagrahako do marao utạrokʼa. Onako do khaṅgoṭokʼa ar hahaṅkar disạm leka hoyokʼa; ona disạmre do okoehõ bako tahena, ar ona talate okoehõ bako calao hijukʼa.

Jirimiạ 51:61

Jirimiạ do Seraye metadea, “Am do tinre Babelrem seṭerokʼa unre hoṛko noakom paṛhao ańjomakoa.

Jirimiạ 50:12

ona iạte aperen eṅgat do ạḍiye lajao ocokʼa; okoeye janam akatʼpe uni doe lajao ocokʼa. Jạt jạtrenko ṭhen joto khone copotʼ ocokʼa; uni do mitʼṭecʼ hahaṅkar, khaṅgoṭ ar khaṅkar ṭhạ̃igeye hoyokʼa.