Jirimiạ 51:50 - সান্তালী বাইবেল

⁵⁰ Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Jirimiạ 51:50 Referans Kwoze

Jirimiạ 44:28

Ar okoe do lạṛhại khonko bańcaokʼte Misor khon Jihudạ disạmteko ruạṛ hijukʼ onkoakʼ lekha do thoṛage hoyokʼa. Ona tayom Jihudạren sarecʼ okoeko hoṛ Misorte girobasokʼ lạgitʼko hecʼakan onko doko baḍae daṛeakʼa okoeyakʼ katha ṭhik tahena, ińakʼ se onkoakʼ.

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

Jesaea 51:11

Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 50:8

“E Israelko, ape do Babel khon dạṛjoṅpe; Babelrenkoakʼ disạm bạgiyakʼpe ar pal laha lahate calakʼkan merom bodako leka hoyokʼpe.

Jirimiạ 31:21

“Ape do hor horte; udukʼakʼ cinhạko dohoype ar khunṭiko bạisạupe. Ar oka hortem senlen ona hor reakʼ katha disạime. E kũạri Israel, dela ruạṛ hijukʼme, amakʼ goṭa nagrahawante ruạṛ hijukʼme.

Jesaea 52:2

E Jerusalem, beredokʼme, ar amakʼ dea khon dhuṛi koṭa ńurhạime ar siṅghạsonre duṛupʼme. E bondi akan Sion kuṛi amakʼ hoṭokʼ reakʼ sikṛiko raṛaetam.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Daniel 6:11

Unre onko do mitʼ dhaote onḍe senkate Daniel Isor ṭhen koejoṅ ar nehõrokʼkanko ńelkedea.