Jirimiạ 51:46 - সান্তালী বাইবেল

⁴⁶ Tinre aema kathako unạnokʼa unre alom hadosokʼa se alom botorokʼa; mitʼ bochorre mitʼṭecʼ katha unạnokʼa ar eṭakʼ bochorre ar mitʼṭecʼ katha unạnokʼa. Ona unạnokʼ katha do kana, Babelre santao hoyokʼkana ar mitʼ disạmren cakʼlaoyicʼ do eṭakʼ disạmren cakʼlaoyicʼ upạrteye teṅgonkana.

Jirimiạ 51:46 Referans Kwoze

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

2 Rapajko 19:7

Ańjomme, iń do unire mitʼṭecʼ jiuiń kolea ar onate uni do mitʼṭecʼ sombate ańjoma ar acʼakʼ disạmteye ruạṛ calakʼa ar iń do onḍege tarwaṛeteń makʼ gojea.’ ”

Luk 21:28

Noa ghoṭnako hoyokʼre ape do sojhete teṅgokʼpe ar bohokʼ rakabtape, ente apeakʼ chaḍaokʼ do sorakana.”

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Jirimiạ 46:27

“E ińren golam Jakob, am do alom botorokʼa; E Israel, bin udgạuicʼ do alom hoyokʼa. Iń do sạṅgiń disạm khon, bondi akan disạm khon am ar amren hoponko khạṭigeń bańcaopea. Jakob do arhõ sulukte ar khạtirjomae tahena, celege bako botor ocoyea.

Jobakʼ 23:16

Isor do ińakʼ mone latwakʼ akatʼtińạ; sanam daṛeanicʼ do ạḍiye botor ocoakadińạ.

Kạhtukko 24:10

Gạr hilokʼrem lạbṛukʼena menkhan, enḍekhan am dom lebṛecʼgea.

Jesaea 43:5

Alom botorokʼa, ente iń do am sãotege minạńa. Purub disạm khon amren bõskoń ạgukoa ar pạchim disạm khon do amiń jarwamea.

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”