Jirimiạ 51:38 - সান্তালী বাইবেল

³⁸ Uniren hoṛko do jotoge dhạcri kul lekako hạnḍrạukʼa, dhạcri kul hopon lekako gõ gõkʼa.

Jirimiạ 51:38 Referans Kwoze

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Sakariạ 11:3

Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.

Jesaea 35:9

Onḍe do cele dhạcri kul hõ bako tahena, cele kaṭaha janwarko hõ ona horte do bako calakʼa; ar onko do onḍe ńelhõ bako ńelokʼ, menkhan eken chakʼḍao ńam hoṛge ona horteko taṛama,

Sereńko 58:6

E Isor, phạsiạrakoakʼ ḍaṭa do onkoakʼ mocarege coagtakome; E Probhu Isor, onko dhạcri kulkoakʼ laser ḍaṭa do amge rạputʼ giḍikatakom.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Bikʼcạrko 16:20

Ona tayom Dolila doe metadea, “E Samson, Philisṭiko do am sapʼme lạgitʼko hecʼakana.” Samson do jạpitʼ khon ebhenkateye hudiskeda, lahate lekage irci giḍikate bahreteye oḍok calakʼa mente. Menkhan bae baḍaekan tahẽkana, Probhu Isor do uniye bạgi giḍi akadea mente.

2 Samuel 17:8

Am dom baḍaegea, ạpum ar uniren hoṛko do lạṛhại bir kanako. Onko do hopon recʼakade raṅgao akan birren bana eṅga lekan kanako. Ona chaḍa amren ạpum do lạṛhạire ạḍi gạkhuṛ hoṛ kanae; uni do acʼren lạṛhại phạdko talare bae giticʼ aṅgakʼa.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.