Jirimiạ 51:37 - সান্তালী বাইবেল

³⁷ Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.

Jirimiạ 51:37 Referans Kwoze

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 18:16

Ona iạte onkoakʼ disạm do potit jumi ar mitʼṭecʼ hirkhạwanakʼ jinis lekage hoyokʼtakoa; ar jãhãege ona aṛeteko parom senokʼ onko do hahaṛa tulucʼ bohokʼko rukuiytakoa.

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Jirimiạ 25:18

Iń do Jerusalem ar Jihudạ reakʼ nagrahako ar onaren rapajko ar rajkạmiyạkoń ńũ ocoketʼkoa, jemon teheń cetʼ leka menakʼko onkage jarkharakʼ, ujạṛakʼ, cigạri ar sarapan hoṛko hoyokʼ.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Jirimiạ 19:8

Niạ nagraha doń jarkhara ar landa-dhutʼakʼgeń hoeocoya; ar okoe ona aṛeteko parom calakʼ onko do ona reakʼ duk ńelte botor caṛhaoakoa arko land-dhutʼakʼa.

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

2 Bõsbudạ 29:8

Onate Jihudạ ar Jerusalem cetanre Probhu Isorakʼ edre do pheḍ hecʼakana. Ape do apnarakʼ mẽtʼtegepe ńeleda onko cetanre botoranakʼ ar jarkharakʼe hoyocoakada; onko ńelte hoṛko do ṭiṭkạri kathako roṛeda.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 49:17

“Edom reakʼ dosa ńelte hoṛko torasokʼa; ar okoe ona aṛeteko parom calakʼ onko do botor caṛhaoakoa ar uniyakʼ sanam ghạl iạte uniko landa-dhutʼaea.

Jirimiạ 49:33

Hasor do toyokoakʼ tahen reakʼ ṭhạ̃i ar jaejug ujạṛakʼge hoyokʼa. Onḍe do okoe hõ bako girobasokʼa, ar cele manwage onare do bako tahena.”

Nạhum 3:6

Iń do am cetanre jońjalkoń capatʼ lạthiạuama, ar hirkhạ mẽtʼteń ńelmea ar landha dhutʼicʼ hoṛiń hoyocomea.