Jirimiạ 51:36 - সান্তালী বাইবেল

³⁶ Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Jirimiạ 51:36 Referans Kwoze

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Johan sodor 16:12

Ona tayom turuyicʼ serma goḍet do maraṅ gaḍa Phurạtre acʼakʼ bạṭi reakʼe dulkeda. Onate purub disạmren rapajkoakʼ calakʼ hor tearokʼ lạgitʼ ona gaḍa reakʼ dakʼ do ańjetʼena.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jesaea 43:14

Probhu Isor, aperen chakʼḍaoicʼ, Israelren uni sonoticʼ do niạ kathae meneda, ‘iń do ape ńutumte Babelte hoṛkoń kolkoa ar sanam huṛkạṛ koń rạputʼ giḍikakʼa; ar Kạldikoakʼ bạḍạiyiń maraotakoa.

Kạhtukko 23:11

ente onkoren chakʼḍaoicʼ doe daṛeangea; unige am upạrte onkoakʼ mamblae calaoa.

Kạhtukko 22:23

Ente Probhu Isor do mamblareye onko sejokʼa, ar okoe onkoakʼ jiniskoko recʼ ạguakatʼ uni do onkoakʼ jiwiye hataotakoa.

Sereńko 107:33

Uni do gaḍakoe hahaṅkar ocoyeda, ar jharnako doe rohoṛ jaega ocoyeda,

Jesaea 19:5

Nil gaḍa reakʼ dakʼ do ańjetʼ rohoṛokʼa, ar gaḍako do rohoṛte paṛagokʼa.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Hosea 13:15

Ephrayim do acʼren boehako talareye jo bahakʼre hõ enhõ Probhu Isor ṭhen khon purub reakʼ mitʼṭecʼ hoe do hahaṅkar khoniń rakapʼ ạguiya; ona reakʼ jharna dakʼ do baṅ tahena ar uniyakʼ kũńko hõ rohoṛ cabakʼtaea. Ar uniyakʼ khajańci reakʼ sanam damanakʼ jinisko do luṭ idikʼa.

Jeheskel 25:14

Iń do ińren hoṛ Israelkoakʼ tite Edom cetanreń hala hạliya ar onko do ińakʼ edre ar khĩs lekate Edom birudteko kạmiya. Unre onko doko baḍae daṛeakʼa, ińgeń hala hạli akada mente.”