Jirimiạ 51:35 - সান্তালী বাইবেল

³⁵ Sionren hoṛko meneda, “Aleakʼ hoṛmo cetanre oka santao hoyakana ona do Babel cetanre hoyokʼma. Babelre okoeko girobasokʼ kan onko do aboakʼ mãyãm reakʼ dạyiko tahenma.”

Jirimiạ 51:35 Referans Kwoze

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Sakariạ 1:15

Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Bikʼcạrko 9:24

Isorgeye nonkakeda jemon Jerubakʼalren eaegel hoponkoakʼ mãyãm cetanre oka behokakʼ hoyakan ona iạte onkoren boeha Abimelek cetanre ar gogocʼ kạmire okoeko gokʼṛokoko tahẽkan onko Sikemren hoṛko cetanre hala ruạṛokʼ.

Bikʼcạrko 9:20

Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Jirimiạ 50:10

Babel doe luṭ ocokʼa; ar okoe uniyakʼko luṭ idiy onko do jotogeko tirpitokʼa. Iń Probhu Isorge noa katha doń meneda.

Habakkuk 2:17

Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.

Jirimiạ 51:24

Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Rak̕joṅ 1:22

Onkoakʼ sanam bạṛicʼ kạmiko do am samaṅre hijukʼma. Ińakʼ sanam ghạṭko iạte ińre okam ceka akatʼ onkorehõ baṛe onkaeme. Ińakʼ kuhrạu do ḍhergea, ińakʼ mon do kạhil akantińạ. ”