Jirimiạ 51:33 - সান্তালী বাইবেল

³³ Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”

Jirimiạ 51:33 Referans Kwoze

Jesaea 21:10

E ińren hoṛko, ape do ińakʼ khạrạire enakʼ ar oṭaṅ saphawakʼ jaṅ kanape. Phạdkoren Probhu Isor ṭhen khon, Israelkoren Isor ṭhen khon iń okań ańjomakatʼ ona do apeń baḍae ocoketʼpea.

Joel 3:13

Onkoakʼ dusṭạmi do ḍhergetakoa, ona iạte ma datrom calaope, ente phosol do bele akana. Ape do hecʼkate darkha jo lenpe, ente darkha jo lelen reakʼ kunḍ do cehel cepel akana. Darkha rasa reakʼ bhajan khon rasa do se oḍokokʼ kana.”

Hosea 6:11

“E Jihudạ, am lạgitʼ hõ phosol irokʼ reakʼ okte do ṭhik dohoakana.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Mathae 13:39

Okoe bạiri onae er oṭoletʼ uni doe Soetan kana, ar phosol samṭao okte do jug reakʼ mucạtʼ kana, ar phosol samṭaoko do sermaren goḍetko kanako.

Mathae 13:30

Phosol belekʼ hạbicʼ mitʼ dhaote hara ocoakʼpe. Unre samṭao jokhecʼ phosol samṭaokoń metakoa, pạhilre sama ghãs jarwa maṛaṅpe ar ạṭikate begarpe seṅgelre atar giḍi lạgitʼ, menkhan guhum do ińakʼ golare ạgu jarwaepe.’ ”

Habakkuk 3:12

Am do edrete dhạrti talatem laha idiyena ar jạt jạtrenkom lebetʼ gańjaoketʼkoa.

Amos 1:3

Probhu Isore meneda, “Damesek reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente mẽṛhẽtʼ reakʼ jạnumanakʼ enokʼ paṭate onko do Gileadko en akadea.

Jesaea 18:5

Phosol samṭao ạurire tinre baha baṅ tahena ar ona baha do darkha jokate belekʼa unre uni do kạidạte kahle ḍạrkoe hesea ar cap capa ḍạrko doe kaman giḍikakʼa.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jirimiạ 51:32

uniyakʼ gaḍa paromokʼ ghaṭko hõ dokhol akana, pạṭiol birre seṅgelko lagao akada ar lạṛhại phạdko do ạḍi botor caṛhao akatʼkoa.”

Mikạ 4:12

Menkhan onko do Probhu Isorakʼgoṭawakʼ reakʼ katha do bako baḍaea; onko do bako bujhạu daṛeakʼkana je, uni do binḍạ leka khạrạire en ko lạgitʼe jarwa akatʼkoa mente.