Jirimiạ 51:3 - সান্তালী বাইবেল

³ Babelren dhinkiạko do akoakʼ akʼ aloko ṭuniạutakoma se akoakʼ mẽṛhẽtʼ aṅgrop hõ aloko horogma. Uniren juạnko do alope aṛakʼkoa; uniren lạṛhại phạdko dope marao utạrkoa.

Jirimiạ 51:3 Referans Kwoze

Jirimiạ 50:14

“E dhinkiạko, ape do jotoge lạṛhại lạgitʼ Babel beṛhaete teṅgokʼpe. Uni secʼ sar tuńpe. Okaṭakʼ sar hõ alope mãyãwakʼa, ente uni do Probhu Isor birudreye kại akada.

Jirimiạ 46:4

Sadomko sapṛaokope ar onkore dejokʼpe. Bohokʼ aḍokʼ reakʼ ṭupri horokʼkate ṭhạ̃ire senkate teṅgo thạrokʼpe. Apeakʼ borlomko lasertape. Ar lạṛhại reakʼ sajbaj horogpe.

Jirimiạ 50:21

“E Babelren bạiriko, iń Probhu Isorgeń meneda, ape do Merathaim disạm ar okoe do Pekodreko tahenkan onko upạrte rakapʼ senokʼpe. Ape do onko laga ńirkope, ar gocʼkope ar marao utạrkope; ar apeń hukum akawatʼpe reakʼ mitʼke mitʼ palonpe.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Sereńko 137:9

Bhạgangeae uni do okoe amren bale gidrạko hạrkate dhirireye tawakʼko uni doe bhạgangea.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Jirimiạ 51:53

Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”