Jirimiạ 51:29 - সান্তালী বাইবেল

²⁹ Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Jirimiạ 51:29 Referans Kwoze

Jirimiạ 51:43

Uniyakʼ nagrahako do marao utạrokʼa. Onako do khaṅgoṭokʼa ar hahaṅkar disạm leka hoyokʼa; ona disạmre do okoehõ bako tahena, ar ona talate okoehõ bako calao hijukʼa.

Jirimiạ 8:16

Dan nagraha khon bạirikoren sadomakʼ phurko ańjomokʼ kana; onkoren sadomkoakʼ hiṅhạukʼte goṭa disạm do thar tharokʼkana. Disạm ar ona reakʼ sanam nagraha ar onaren hoṛko maraoko lạgitʼko hijukʼkana.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Jirimiạ 50:45

Onate Probhu Isor do Babel upạrte okae goṭa akatʼ, ar Babelren hoṛko upạrte okae pontha akatʼ ona ańjompe. Palren kạṭicʼ hoponko hõko or idi ocokʼa; ar onkoakʼ kạmi khạtirtege ạtiń ṭạnḍi doe maraoa.

Jirimiạ 50:13

Probhu Isorakʼ edre iạte okoehõ onare do bako girobasokʼa, ona do ujạṛ utạrakʼ ṭhạ̃ige hoyokʼa. Ar Babel aṛete okoeko parom calakʼ onko jotogeko torasokʼa ar uniyakʼ sanam duk iạteko landa-dhutʼaea.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.

Jesaea 14:16

Okoe amko beṅgetʼam onko do am secʼ koyokʼ akaeko tahena. Ar amakʼ dosa ńelteko mena, ‘okoe do pirthimiye ḍikạ ḍakeyetʼ tahẽkan ar rajosṭikoe dalmalaoetʼ tahẽkan nui do cetʼ uni hoṛ doe baṅkana?

Jirimiạ 50:36

Uniren bhonḍ nạbiko upạrte hõ tarwaṛe menakʼa; onko do lelhako hoyokʼa. Uniren birbão hoṛko upạrte hõ tarwaṛe menakʼa; onko do botor caṛhaoakoa.

Jirimiạ 50:46

“Babel do dokhol akana.” Noa reakʼ saḍete dhạrti do dal dalaokʼa; ar jạt jạtrenko talare uniyakʼ rakʼ reakʼ aṛaṅ ańjomokʼa.

Jirimiạ 51:26

Hoṛko do konac reakʼ dhiri lạgitʼ am khon do bako hataoa, ar rehetʼ bạisạu lạgitʼ hõ bako hataoa; am do jaejug ujạṛ utạrakʼgem hoyokʼa.

Jirimiạ 51:28

Uni upạrte lạṛhại lạgitʼ jạtrenko, Madaeren rapajko, onkoren disạm cakʼlaoko ar sanam rajkạmiyạko ar onkoren ḍanṭaoko tabere sanam rajosṭiko sapṛaope.

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Jirimiạ 51:37

Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.