Jirimiạ 51:28 - সান্তালী বাইবেল

²⁸ Uni upạrte lạṛhại lạgitʼ jạtrenko, Madaeren rapajko, onkoren disạm cakʼlaoko ar sanam rajkạmiyạko ar onkoren ḍanṭaoko tabere sanam rajosṭiko sapṛaope.

Jirimiạ 51:28 Referans Kwoze

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Daniel 9:1

swMadae bõsren Ahasberosren hopon Darjawes do Babel rajosṭiren raje hoylena. Uniyakʼ rajokʼ reakʼ pạhil bochorre iń Daniel do Jirimiạ nạbiye emocolen Probhu Isorakʼ katha lekate sostor khoniń bujhạu daṛeada je, Jerusalem do eaegel bochor hạbicʼ dhaṅdhaser akan tahena.

Daniel 8:20

Barea dereńan okoeṭakʼ bheḍam ńellede onakin do hoyokʼkana Madae ar Parasren rajkin.

Daniel 6:8

Onate E maharaj, ńitokʼ ona hukum olakʼ lekate emokʼme jemon Madae ar Parasrenkoakʼ arhõ mitʼṭecʼ ạn hoyokʼte tishõ ona do baṅ bodolokʼ.”

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 25:25

Simri, Elam ar Madaeren sanam rapajko;

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 13:17

“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa.

Ester 10:2

Uniyakʼ ektiạri ar daṛe reakʼ kathako ar Mordekai cetʼ lekate cetan hudại ńamketʼ are maraṅ ocoyena onako katha uni do Madae ar Parasren rapajkoakʼ Itihãs puthire ol menakʼa.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

1 Bõsbudạ 1:5

Japhetren hopon doko hoyokʼkana Gomer, Magog, Madal, Jawan, Tubạl, Mesek ar Tirạs.

Genesis 10:2

Japhetren hopon doko hoyokʼkana, Gomer, Magog, Madal, Jawan, Tubạl, Mesek ar Tirạs.

Jirimiạ 25:14

Babelrenko do aema jạtrenko ar maraṅ maraṅ rajkoren golamko hoyokʼa; onkoakʼ kạmiko lekatege iń do kuṛạiyiń emakoa.’ ”

Jirimiạ 50:41

“Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko ar aema rapajko udgạu ocokʼkana.

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Daniel 6:1

Darjawes do acʼakʼ rajosṭi reakʼ sanam disạmko cetanre mitʼsae bargel cakʼlaoko bahalko do jute metatʼa.