Jirimiạ 51:24 - সান্তালী বাইবেল

²⁴ Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Jirimiạ 51:24 Referans Kwoze

Jirimiạ 50:15

Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.

Johan sodor 18:24

Nạbiko, Isorren hoṛko ar okoeko hoṛ do noa dhạrtireko gocʼ ocolen onkoakʼ mãyãm do noa Babelrege ńamakana.”

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Jirimiạ 51:49

Babel iạte goṭa dhạrtiren hoṛko cetʼlekako gocʼlen onkage Israelkoakʼ gujukʼ hotete Babelrenko hõko gocʼ ocokʼa.

Jirimiạ 51:35

Sionren hoṛko meneda, “Aleakʼ hoṛmo cetanre oka santao hoyakana ona do Babel cetanre hoyokʼma. Babelre okoeko girobasokʼ kan onko do aboakʼ mãyãm reakʼ dạyiko tahenma.”

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jesaea 66:6

Ańjompe, nagrahare kạumạu ańjomokʼ kana; ańjompe, mundil khon aṛaṅ ańjom hijukʼkana; noa do Probhu Isorakʼ aṛaṅkangea uni do acʼren bạirikoe sạjạiyetʼkoa.

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jesaea 48:14

“Ape sanamko jarwa mitʼkate ańjompe. Goṛhon muṭhạnko reaṅ do lahare okoeye lạiyakada? Babel upạrte Probhu Isorren bachao hoṛko do uniyakʼ sanako purạutaea; Probhu Isorakʼ ti do Babelrenko upạrte rakabokʼa.

Jirimiạ 25:14

Babelrenko do aema jạtrenko ar maraṅ maraṅ rajkoren golamko hoyokʼa; onkoakʼ kạmiko lekatege iń do kuṛạiyiń emakoa.’ ”

Jirimiạ 50:10

Babel doe luṭ ocokʼa; ar okoe uniyakʼko luṭ idiy onko do jotogeko tirpitokʼa. Iń Probhu Isorge noa katha doń meneda.

Jirimiạ 51:23

am hotete iń do gukʼpiko ar bhiḍi palkoń chaka chun akatʼkoa, am hotetege casokʼko ar ḍaṅgrakoń chaka chun akatʼkoa, am hotete disạm cakʼlaoko ar rajkạmiyạkoń chaka chun akatʼkoa.”

Jirimiạ 51:56

Babel upạrte jarkharkoko hijukʼa; uniren birbão hoṛ doko sapʼ ocokʼa ar onkoakʼ akʼ do rạpudokʼtakoa; ente Probhu Isor do hala hạliren Isor kanae; Babel reakʼ kuṛại do purạtegeye emaea.

Rak̕joṅ 3:64

E Probhu Isor, onkoakʼ kạmi leka baṛe kuṛại emakom.

Sereńko 79:10

Eṭakʼ jạtrenko do cedakʼko mena, “Okateye calaoena onkoren Isor do?” Onko do ale samaṅrege baḍae ocokom, amren golamkoakʼ mãyãm reakʼ dom hala ruạṛgea mente.