Jirimiạ 51:21 - সান্তালী বাইবেল

²¹ am hotetege sadomko ar aswarikoń chaka chun akatʼkoa, am hotete rãt gạḍiko ar rãt gạḍi cakʼlaokoń marao utạr akatʼkoa;

Jirimiạ 51:21 Referans Kwoze

Exodus 15:1

Noa tayom Mose ar Israelko do Probhu Isor ńutumte noa sereńko sereńkeda: “Iń do Probhu Isor ńutumteń sereńa, ente hoṛkoakʼ mẽtʼre uniyakʼ ṭhonok maraṅentaea. Sadom ar aswari dolrenko do unige jalapuri reakʼ dakʼreye giḍikatʼkoa.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Sakariạ 12:4

Enhilokʼ iń do mitʼke mitʼ sadomkoń botor ocokoa ar aswari do lelhań hoyocokoa. Ar Jihudạren hoṛko lạgitʼ do sontorte nońjoriń dohoya, menkhan eṭakʼ jạtren joto sadom doń kãṛã ocokoa.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Mikạ 5:10

Probhu Isore meneda, “E Israel uren iń do am tala khon amren sadomkoń caba utạrkoa ar amakʼ rãt gạḍikoń marao giḍikakʼa.

Johan sodor 19:18

Jemon rapajko reakʼ, subedarkoakʼ, daṛean hoṛkoakʼ, sadomko ar sadomre decʼakan hoṛkoakʼ, sạdhinko ar golamko ar kạṭicʼ lạṭu sanam manwakoakʼ jelpe jom daṛeakʼ.”

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Jeheskel 39:20

Ińakʼ ṭebilre ape do lacʼ perecʼ sadomko reakʼ, rãt gạḍi cakʼlaoko reakʼ, daṛean hoṛko reakʼ ar sanam lạṛhại phạdko reakʼ jelpe joma.’

Jirimiạ 50:37

Uniren sanam sadomko, rãt gạḍiko ar bidisiạ lạṛhại phạdko upạrte hõ tarwaṛe menakʼgea; onko do maejiu lekako nijorokʼa. Uniyakʼ dhon duribko upạrte hõ tarwaṛe menakʼgea; onako do luṭ idikʼtaea.

Sereńko 76:6

E Jakobren Isor, sadom ar rãtgạḍi cakʼlaoko do amakʼ dhomkao iạteko jạpitʼ hapekeda.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

Exodus 15:4

Pharaoakʼ rãt gạḍiko ar palṭonko do unige jalapuri reakʼ dakʼreye giḍikatʼkoa; Pharaoren bachao akan palṭonko do arakʼ jalapurireko unum gocʼena.

Jesaea 43:17

Uni do rãt gạḍiko ar daṛean lạṛhại phạdkoe oḍok ạguletʼkoa. Onko do mitʼ domte onḍeko khadlelena, ar baṅgeko rakapʼ daṛeada. Onko do diuhe lekako ĩṛĩcʼena.